ءۇندىستان مەن پاكىستان شەكاراسىندا تاعى دا اتىس بولدى، دەپ حابارلايدى Bairaqmedia.kz.

NDTV مالىمەتىنشە، ءۇندىستان اسكەرى باقىلاۋ سىزىعىندا التى كۇن بويى سەبەپسىز اتىس بولعانىن حابارلاعان. كەشە تۇندە پاكىستان اسكەرى دجاممۋ مەن كاشميردەگى پارگاۆال سەكتورىنداعى ۇندىستانمەن شەكارادا وق اتقان.

پرەمەر-مينيستر نارەندرا مودي سەيسەنبىدە كەڭەس وتكىزىپ، وعان ەلدىڭ قورعانىس ءمينيسترى رادجنات سينگح، ۇلتتىق قاۋىپسىزدىك جونىندەگى كەڭەسشى ادجيت دوۆال جانە قارۋلى كۇشتەردىڭ باسشىلارى قاتىستى. 

ەسكە سالا كەتسەك، 22 ساۋىردە قارۋلى ادامدار دجاممۋ مەن كاشمير وداعى اۋماعىنداعى ايگىلى تۋريستىك قالا – پاحالگامدا تەررورلىق شابۋىل جاساعان بولاتىن. اسكەري كيىم كيگەن ادامدار اۆتوماتتارمەن وق جاۋدىرعان، 25 ءۇندى ازاماتى مەن 1 نەپالدىق كوز جۇمدى. قىلمىسكەرلەر وقيعا ورنىنان قاشىپ ۇلگەرگەن.

لاڭكەستىك ارەكەتتەن كەيىن ءۇندىستان يسلامابادتاعى ەلشىلىگىندەگى ادامدار سانىن ەكى ەسەگە دەرلىك قىسقارتتى، پاكىستان ديپلوماتيالىق ميسسياسىنىڭ اسكەري كەڭەسشىلەرىن پەرسونا نون گراتا دەپ جاريالادى جانە شەكاراداعى ماڭىزدى «اتتاري» باقىلاۋ بەكەتىن جاپتى. ءۇندىستان بيلىگى سونداي-اق يسلامابادپەن سۋ رەسۋرستارىن ءبولىسۋ تۋرالى كەلىسىمدى جانە پاكىستان ازاماتتارىنا ۆيزا بەرۋدى توقتاتتى.