ۇلتتىق بانك بازالىق مولشەرلەمەنى 16،5% دەڭگەيىندە ساقتاپ قالدى، دەپ حابارلايدى bairaqmedia.kz.
ۇلتتىق بانك تاراتقان رەسمي مالىمدەمەگە سۇيەنسەك، ناۋرىز قورىتىندىسى بويىنشا جىلدىق ينفلياسيا 10%-كە دەيىن جەدەلدەدەگەن.
جىلدىق ينفلياسيانىڭ نەگىزگى قوزعاۋشى كۇشى – قىزمەت كورسەتۋ سەكتورى بولىپ وتىر. بۇل رەتتەلەتىن تاريفتەردىڭ ءبىرىنشى توقساندا كۇتكەننەن جوعارى وسۋىمەن جانە نارىقتىق قىزمەتتەردىڭ قىمباتتاۋىمەن بايلانىستى. ازىق-تۇلىك ينفلياسياسىنىڭ ۇلەسى ايلىق جانە جىلدىق كورسەتكىشتەردە ارتا تۇسكەن.
قازاقستان رەسپۋبليكاسى ۇلتتىق بانكىنىڭ اقشا-كرەديت ساياساتى كوميتەتى بازالىق مولشەرلەمەنى +/- 1 پ.ت. دالىزىمەن جىلدىق 16،5% دەڭگەيىندە بەلگىلەۋ تۋرالى شەشىم قابىلدادى.، – دەلىنگەن ۇلتتىق بانك حابارلاماسىندا.
سونداي-اق، الەمدىك ازىق-تۇلىك باعاسىنىڭ جوعارى بولۋى جانە رەسەيدەگى ەكى تاڭبالى ينفلياسيانىڭ ساقتالۋى دا بازالىق مولشەرلەمەنى قازىرگى دەڭگەيدە قالدىرۋعا تۇرتكى بولعان.
- 2025 جىلى قاڭتار-ناۋرىزداعى جىلدام دەرەكتەرگە سايكەس ەكونوميكا ج/ج 5،8% ءوسىم كورسەتتى. بۇل ءوسىم كولىك (21،0%)، قۇرىلىس (16،9%)، وڭدەۋ ونەركاسىبى (8،7%)، تاۋ-كەن ءوندىرىسى (6،1%) جانە ساۋدا (6،3%) سالالارىنداعى بەلسەندىلىككە بايلانىستى بولدى. ىشكى سۇرانىسقا ينفراقۇرىلىمدىق جوبالاردىڭ ىسكە اسىرۋى، تۇتىنۋشىلىق كرەديت بەرۋ جانە حالىق تابىسىنىڭ ۇستامدى ءوسۋى قولداۋ قورسەتەدى. دەگەنمەن، 1-توقساندا تۇتىنۋشىلىق سۇرانىستىڭ باسەڭدەۋ بەلگىلەرى بايقالۋدا. بۇل 2024 جىلعى قازانداعى 19،3%-تەن كەيىن اقپاندا 5،1%-كە دەيىن بولشەك ساۋدا اينالىمىنىڭ باياۋلاۋ دەرەكتەرىمەن، سونداي-اق ساۋالنامالارعا سايكەس ءىرى ساتىپ الۋلار يندەكسىنىڭ تومەندەۋىمەن راستالادى، – دەلىنگەن حابارلامادا.
