كونستيتۋسيا كۇنى جاقىنداعان تۇستا تۇركىستان وبلىسىنداعى اسسامبلەيا وكىلدەرى قازاقستان حالقىن مەرەكەمەن قۇتتىقتاي باستادى، - دەپ حابارلايدى bairaqmedia.kz
سىزدەردى شىن جۇرەكتەن كەلە جاتقان كونستيتۋسيا كۇنىمەن قۇتتىقتايمىن. قوعامنىڭ وركەندەۋىنە قارقىن قوسىپ، قازاقستان حالقىنىڭ بىرلىگىنە جول باستاعان اتا زاڭدا بەكىتىلگەن رەسپۋبليكامىزدىڭ تۇعىرلى قاعيداتتارى بۇگىندە ءوزىنىڭ ومىرشەڭدىگىن دالەلدەدى. قازاقستان حالىقارالىق قوعامداستىقتا لايىقتى ورىن الىپ، بيىك بەلەسكە كوتەرىلگەنى وسىنىڭ ايعاعى. ءاربىر قازاقستاندىق كەلەشەككە كەرۋەن تارتقان مەملەكەتىمىزدىڭ تۇراقتى دامۋىنىڭ كەپىلى كونستيتۋسيانىڭ مەملەكەت پەن قوعام ءۇشىن عانا ەمەس، ءوزىنىڭ جەكە باسى مەن وتباسى ءۇشىن دە ماڭىزدىلىعىن تەرەڭ سەزىنەدى. جىلدان جىلعا ءبىزدىڭ باستى قۇندىلىقتارىمىز – ،تاۋەلسىزدىگىمىز، كەلىسىم مەن بىرلىگىمىز نىعايا بەرسىن. ءار شاڭىراققا قۇت-بەرەكە، ىرىس پەن ىنتىماق تىلەيمىن. ەل ىرگەسى امان، كەلەشەگىمىز كەمەل بولسىن، - دەدى ماقتاارال اۋدانى تاجىك ەتنومادەني بىرلەستىگىنىڭ ءتوراعاسى شەرزود ەلوۆ.
قازاقستان رەسپۋبليكاسىنىڭ كونستيتۋسياسى كۇنى قۇتتى بولسىن. 1995 جىلى بۇكىلحالىقتىق رەفەرەندۋمدا كونستيتۋسيانىڭ قابىلدانۋى بارلىق قازاقستاندىقتار ءۇشىن ەرەكشە وقيعا بولدى. كونستيتۋسيا حالىقتىڭ بىرلىگىن، قوعامدىق جانە رۋحاني كەلىسىمىن نىعايتىپ، ەگەمەندىك پەن ساياسي تۇراقتىلىقتىڭ كەپىلىنە اينالدى. بۇگىنگى قازاقستاننىڭ الەمدەگى جوعارعى بەدەلى – بۇل ءبىزدىڭ تىكەلەي ىشكى جەتىستىكتەرىمىزدىڭ، بەيبىتشىلىك سۇيگىش ساياساتىمىزدىڭ جانە ءىرى حالىقارالىق جوبالارداعى باستاماشىلىعىمىزدىڭ ناتيجەسى. بۇل كۇن ءبىزدى رۋحتاندىرىپ، قازاقستاندى ودان ءارى دامىتۋعا شابىت بەرىپ، جاڭا مۇمكىندىكتەر سىيلاسىن! مەرەكەمەن قۇتتىقتاي وتىرىپ، وتباسىلارىڭىزعا زور دەنساۋلىق، مول باقىت، اماندىق تىلەيمىن، - دەپ تاجىك ەتنومادەني بىرلەستىگىنىڭ بەلسەندى مۇشەسى شاحلو تاشكۋلوۆا جۇرەكجاردى تىلەگىن جەتكىزدى.
قازاقستان رەسپۋبليكاسىنىڭ كونستيتۋسياسى كۇنى قۇتتى بولسىن! 1995 جىلى بۇكىلحالىقتىق رەفەرەندۋم ارقىلى قابىلدانعان اتا زاڭ – ەلىمىزدىڭ دەموكراتيالىق دامۋىنىڭ، حالىق بىرلىگى مەن تۇراقتىلىعىنىڭ بەرىك نەگىزى. كونستيتۋسيا تاۋەلسىزدىگىمىزدى نىعايتىپ، بەيبىتشىلىك پەن كەلىسىمدى قامتاماسىز ەتىپ، قازاقستاننىڭ الەمدىك بەدەلىن ارتتىردى. بۇل مەرەكە ءارقايسىمىزعا وتانىمىزدى دامىتۋعا، بىرلىگىمىزدى ساقتاپ، بولاشاعىمىزدى نىعايتۋعا شابىت بەرەدى. بارشاڭىزعا زور دەنساۋلىق، وتباسىلارىڭىزعا اماندىق پەن باق-بەرەكە تىلەيمىن، -دەدى كەنتاۋ قالالىق اسسامبلەيا جاستارىنىڭ ءتوراعاسى داستون ابدالييەۆ.
