تەرروريزم تۋرالى جالعان حابار تاراتقاندارعا زاڭ جۇزىندە جازا قاراستىرىلعان. بۇل تۋرالى تۇركىستان وبلىسى ءدىن ىستەرى باسقارماسىنىڭ «ءدىن ماسەلەلەرىن زەرتتەۋ ورتالىعى» ەسكەرتتى، - دەپ حابارلايدى bairaqmedia.kz

قوعامدىق قاۋىپسىزدىك – مەملەكەت ءۇشىن ەڭ باستى قۇندىلىقتاردىڭ ءبىرى. الايدا، كەيبىر ادامدار ويناپ نەمەسە ادەيى تەرروريزم اكتىسى تۋرالى جالعان حابار بەرىپ، ەل ىشىندە دۇربەلەڭ تۋعىزادى. بۇل ارەكەت زاڭ بويىنشا اسا اۋىر قىلمىس سانالادى دەيدى ماماندار. سوندىقتان، ق ر قىلمىستىق كودەكسi 273-بابى مۇنداي جاعدايعا ناقتى جازا بەلگىلەيتىنىن ەسكە سالىپ وتىر.

جالعان حابارلاۋدىڭ مازمۇنى تەرروريزم اكتىسى دايىندالىپ جاتىر دەگەن قاساقانا جالعان اقپارات تاراتۋ قوعامدا ۇرەي تۋعىزادى. ءتارتىپ ورگاندارى مەن قۇتقارۋ قىزمەتىن ابىگەرگە سالادى. مۇنداي حاباردىڭ جالعان ەكەنى انىقتالسا دا، ول كوپ كۇش پەن قارجى جۇمساۋعا ماجبۇرلەيدى. 273-باپقا سايكەس، دايىندالىپ جاتقان تەرروريزم اكتىسى تۋرالى كورىنەۋ جالعان حابارلاۋ مىناداي جازالارعا اكەپ سوعادى:

5000 ايلىق ەسەپتىك كورسەتكىش مولشەرىندە ايىپپۇل؛ 

سول مولشەردە تۇزەۋ جۇمىستارى؛

5 جىلعا دەيىن باس بوستاندىعىن شەكتەۋ نەمەسە ايىرۋ.

بۇل قوعام قاۋىپسىزدىگىنە ءقاۋىپ توندىرگەن ارەكەتكە قاتاڭ توسقاۋىل قويۋعا ارنالعان شارا. نەلىكتەن بۇل قىلمىس ءقاۋىپتى؟ قوعامدا دۇربەلەڭ تۋعىزادى. جالعان حابار ەستىگەن تۇرعىندار قورقىنىش پەن سەنىمسىزدىككە بوي الدىرادى. ارنايى قىزمەتتەردىڭ جۇمىسىن قيىنداتادى. پوليسيا، اسكەر جانە قۇتقارۋ قىزمەتى جالعان شاقىرتۋلارعا ۋاقىت پەن رەسۋرس جۇمسايدى. شىنايى قاۋىپكە توسقاۋىل جاسايدى. جالعان حابارلار كوپ بولعان جاعدايدا شىنايى تەرروريستىك قاۋىپتەرگە دەر كەزىندە نازار اۋدارۋ قيىندايدى. مەملەكەت قارجىسىنا كاسىپكەرلىك قىزمەتكە وراسان زور زيانىن كەلتىرەدى. تەرروريزم اكتىسى تۋرالى جالعان حابار – ويىن نەمەسە ءازىل ەمەس، ول قوعامدا ۇرەي تۋعىزىپ قانا قويماي، مەملەكەت قاۋىپسىزدىگىنە زيان كەلتىرەدى، - دەلىنگەن تۇركىستان وبلىسى ءدىن ىستەرى باسقارماسىنىڭ «ءدىن ماسەلەلەرىن زەرتتەۋ ورتالىعى» كمم تاراتقان ۆيدەودا.

 سوندىقتان، ءار ازامات اقپاراتقا جاۋاپكەرشىلىكپەن قاراۋى قاجەت.