تالعار اۋدانىندا ءبىر توپ جىگىت ەر ادامدى ۇرىپ-سوققان، دەپ حابارلايدى Bairaqmedia.kz.

الماتى وبلىسى پوليسيا باسقارماسىنىڭ مالىمەتىنشە، اتالعان دەرەك بويىنشا قىلمىستىق ءىس قوزعالىپ، ءقازىر سوتقا دەيىنگى تەرگەۋ امالدارى جۇرگىزىلىپ جاتىر.

اقپاراتقا سايكەس، وقيعا 27 ساۋىردە تاڭەرتەڭ بەساعاش اۋىلىنداعى «نۇريا» تۇرعىن ءۇي كەشەنىنىڭ اۋماعىندا بولعان. الايدا بۇل جاعداي بويىنشا پوليسياعا ازاماتتاردان ارىز نەمەسە حابارلاما تۇسكەن جوق. قوعامدىق ءتارتىپتى بۇزۋ فاكتىسى الەۋمەتتىك جەلىلەرگە جۇرگىزىلگەن مونيتورينگ ناتيجەسىندە انىقتالدى.

ءقازىر كوشەدەگى جانجالعا قاتىسقان بارلىق تۇلعالاردى انىقتاۋ جانە ۇستاۋ بويىنشا شارالار قابىلدانىپ جاتىر. كۇدىكتىلەر قولدانىستاعى زاڭناماعا سايكەس قاتاڭ جاۋاپكەرشىلىككە تارتىلادى، – دەلىنگەن پوليسيا حابارلاماسىندا.

ايتا كەتسەك، بىلتىر 3 قازاندا تالعاردا جاپپاي توبەلەس كەزىندە ءجاسوسپىرىم شەرزات پولاتتى پىشاقتاپ كەتكەن بولاتىن. ءقازىر وقيعا بويىنشا 9 ادامعا ايىپ تاعىلىپ، قىلمىستىق ءىس سوتتا قارالىپ جاتىر. 

بۇگىن جەتىسۋ وبلىسى قىلمىستىق ىستەر جونىندەگى مامانداندىرىلعان اۋدانارالىق سوتىندا  شەرزات پولاتتىڭ مارقۇم ناعاشى اعاسى نۇرقانات عايىپبايەۆتىڭ كوزى تىرىسىندە بەرگەن جاۋابى وقىلدى.