قازاقستان ازاماتى كەشە تايلاندتىڭ پحۋكەت قالاسىندا جانتۇرشىگەرلىك جول اپاتىنان كوز جۇمعان. بۇل تۋرالى جەرگىلىكتى اقپارات قۇرالدارى جازدى دەپ حابارلايدى bairaqmedia.kz
"نوۆوستي پحۋكەتا" Telegram-ارناسىنىڭ مالىمەتىنشە، 1 ءساۋىر كۇنى تۇنگى ساعات 00:45 شاماسىندا ەر ادام Bypass Rd تاس جولىندا موتوسيكلمەن جوعارى جىلدامدىقتا قوزعالعان. كەيىن ول باسقارۋعا يە بولا الماي، باعاناعا سوعىلىپتى. العان جاراقاتتارىنان وتانداسىمىز ءتىل تارتپاي كەتكەن.
العاشىندا تايلاند بيلىگى مارقۇمنىڭ جەكە باسىن انىقتاۋعا تىرىسىپ، ونىڭ تەلەفونىنىڭ ەكرانىنداعى ورىسشا جازۋلارعا سۇيەنە وتىرىپ، ونى "رەسەيلىك تۋريست" دەگەن ەدى.
الايدا، كەيىنىرەك مارقۇمنىڭ قازاقستان ازاماتى ەكەنى جانە ونىڭ تايلاندتا جۇمىس ىستەگەنى انىقتالدى.
