ستامبۇلداعى ماگنيتۋداسى 6،2ء-نى قۇراعان جەر سىلكىنىسى كەزىندە قاتتى قورىققان وزبەكستان ازاماتى كوز جۇمدى. بۇل تۋرالى وزبەكستاننىڭ تۇركياداعى باس كونسۋلدىعى مالىمدەدى دەپ حابارلايدى bairaqmedia.kz
2025 جىلى 23 ساۋىردە ستامبۇلدا تۇراتىن جەرلەسىمىز جۇرەك جەتىكىلىكسىزدىگىنەن كوز جۇمدى. بۇل قايعىلى جاعداي ءزىلزالا كەزىندە جوعارعى قاباتتا بولعان ازاماتتىڭ قاتتى ۇرەيگە سالىنۋى سالدارىنان بولعان»، - دەلىنگەن وزبەكستاننىڭ تۇركياداعى باس كونسۋلدىعىنىڭ حابارلاماماسىندا.
وزبەكستاننىڭ ستامبۇلداعى باس كونسۋلدىعى مارقۇمنىڭ دەنەسىن ءوز ەلىنە جەتكىزۋ ءۇشىن قاجەتتى كونسۋلدىق، قۇقىقتىق جانە ۇيىمداستىرۋشىلىق شارالاردى قولعا العان.
ەسكە سالايىق، سارسەنبىدە ستامبۇل قالاسىنىڭ ماڭىندا 6،2 ماگنيتۋدالى جەر سىلكىنىسى تىركەلدى. ونىڭ وشاعى ءمارمار تەڭىزىندە ورنالاسقان. سەيسمولوگتاردىڭ ايتۋىنشا، ءزىلزالادان سوڭ 200-دەن اسا افتەرشوك تىركەلگەن.
