استانا قالاسىنىڭ اكىمدىگى تىل ەڭبەككەرى تەڭدىك يزاقوۆتان كەشىرىم سۇراپ، كوپ جىلعى ەڭبەگى ءۇشىن العىس ءبىلدىردى، دەپ حابارلايدى Bairaqmedia.kz.

قالانىڭ جۇمىسپەن قامتۋ جانە الەۋمەتتىك قورعاۋ باسقارماسىنىڭ باسشىسى يليا سكۋب، قالانىڭ ىشكى ساياسات باسقارماسىنىڭ باسشىسى نۇرداۋلەت ءالمۇحانوۆ تىل ەڭبەككەرى پروفەسسور تەڭدىك يزاقوۆپەن جانە ونىڭ وتباسىمەن كەزدەسىپ، كوپ جىلعى ەڭبەگى ءۇشىن العىس ءبىلدىرىپ، 7 مامىردا شەرۋ وتەتىن ورىنعا كىرە الماعانى ءۇشىن كەشىرىم سۇرادى.

ءىس-شارا اۋماعىنا ءوتۋ ارنايى ازىرلەنگەن ءتىزىم بويىنشا جۇزەگە اسىرىلدى. ورىن سانىنىڭ شەكتەلۋىن، سونداي-اق ارداگەرلەردىڭ جاسى ۇلعايعانىن ەسكەرە وتىرىپ، ءتىزىم ارداگەرلەر مەن تىل ەڭبەككەرلەرىنىڭ تۋىستارىنان تىكەلەي تۇسكەن وتىنىشتەر بويىنشا عانا ازىرلەندى. بۇل رەتتە شەرۋگە ەلىمىزدىڭ بارلىق وڭىرىنەن ارداگەرلەر مەن تىل ەڭبەككەرلەرى قاتىستى. تەڭدىك يزاقوۆتىڭ وتباسىنان ءوتىنىش تۇسكەن جوق، – دەپ ءتۇسىندىردى ۆەدومستۆودان.

استانا اكىمدىگى تەڭدىك يزاقوۆقا جانە ونىڭ جاقىندارىنا تۋىنداعان جاعدايعا بايلانىستى شىن جۇرەكتەن كەشىرىم سۇرادى.

تەڭدىك يزاقوۆ 9 مامىردا گۇل شوقتارىن قويۋ راسىمىنە شاقىرىلدى.