باتىس قازاقستاندا پروكۋرور وزىنە قول جۇمسادى، دەپ حابارلايدى Bairaqmedia.kz.

اقپاراتقا سايكەس، قايعىلى وقيعا 8 مامىرعا قاراعان ءتۇنى تەرەكتى اۋدانىندا بولعان. ءوز ءۇيىنىڭ اۋلاسىندا اۋداندىق پروكۋراتۋرانىڭ قىزمەتكەرى سۋيسيد جاساعان. بۇل اقپاراتتى وبلىستىق پروكۋراتۋرا راستادى.

اتالعان فاكت سوتقا دەيىنگى تەرگەپ-تەكسەرۋلەردىڭ ءبىرىڭعاي تىزىلىمىندە تىركەلدى. پوليسيا قىزمەتكەرلەرى وقيعانىڭ ءمان-جايىن انىقتاۋ ءۇشىن تەرگەۋ جۇرگىزىپ جاتىر. وبلىستىق پروكۋراتۋرا قايعىلى وقيعاعا بايلانىستى كوڭىل ايتادى، – دەپ حابارلادى وبلىستىق قاداعالاۋشى ورگان.

تەرگەۋ مۇددەسىنە بايلانىستى باسقا اقپارات جاريا ەتىلمەدى.

الەۋمەتتىك جەلىلەردە قايتىس بولعان ادامنىڭ تەرەكتى اۋدانىنىڭ پروكۋرورى، 43 جاستاعى ادىلەت پودپولكوۆنيگى عالىمبەك مۋحيتوۆ ەكەنى جايلى اقپارات تارادى. ول اسىلىپ ولگەن دەگەن بولجام بار.

بقو پروكۋراتۋراسىنىڭ رەسمي سايتىنداعى مالىمەتكە سايكەس، مۋحيتوۆ عالىمبەك الىبەك ۇلى 1983 جىلى بوكەيوردا اۋدانىنىڭ سايقىن اۋىلىندا دۇنيەگە كەلگەن. جوعارى ءبىلىمدى، م. وتەمىسوۆ اتىنداعى بقمۋ-دى ءتامامداعان. پروكۋراتۋرا سالاسىندا 2006 جىلدان باستاپ قىزمەت ەتكەن. ارتىندا جۇبايى مەن ەكى بالاسى قالدى.