الاياقتارعا الدانىپ قالعان پروفەسسور كاكەن ءقامزيننىڭ باسپانا ماسەلەسى شەشىلدى، دەپ حابارلايدى bairaqmedia.kz.

بۇل تۋرالى جۋرناليست نۇربولات ادىربەك الەۋمەتتىك جەلىدە جازعان.

«بۇگىن 1،5 اي جىر مەن ۋايىم بولعان الاياقتارعا الدانىپ، پاتەرىنەن ايىرىلىپ قالا جازداعان پروفەسسور كاكەن قامزين ۇستازىمىزدىڭ ماسەلەسى ءبىرجاقتى شەشىلدى. تۇسكە دەيىن نوتاريۋسكە بارىپ، ەلدەن جينالعان قاراجاتپەن پاتەردى ساتىپ الۋشىلارمەن قايتا ەسەپتەسىپ، اعايدىڭ باسپاناسىن ءوز اتىنا راسىمدەدىك. ارتىنان اعايدىڭ قىزى اسەلدىڭ ءشايىن ءىشىپ، قاريانىڭ اق باتاسىن الىپ قايتتىق. (بىزگە ودان ارتىق نە كەرەك)»،- دەپ جازدى ول.

ونىڭ سوزىنشە، وسى ماسەلە باستالعان العاشقى كۇننەن-اق پروفەسسوردىڭ ارىپتەستەرى مەن شاكىرتتەرى جانىندا بولىپ، قولداۋ بىلدىرگەن. 

«وسى رەتتە ءبىرىنشى كۇننەن باستاپ اعايدىڭ قاسىندا بىرگە بولعان دۋمان بىقاي، دۋمان سماكوۆ، ەربول ازانبەك، ارمان اۋباكىر، ايبار ولجاي، نۇرسەيىت جىلقىشىباي ت.ب ارىپتەس باۋىرلارعا العىس ايتامىن. نەگىزگى ەڭ ۇلكەن العىستى اعايدىڭ جاعدايىن ايتىپ جازعان پوستتارىمىزدى قولداپ، قۋاتتاپ وتىرعان وسى جەردەگى وقىرماندارىمىزعا ايتقىمىز كەلەدى. سىزدەردىڭ ءاربىر جىلى سوزدەرىڭىز بەن سالعان 500، 1000 تەڭگەلەرىڭىزدىڭ ءوزى وسى ءىستىڭ وڭىنان شەشىلۋىنە ۇلكەن كومەك پەن قولداۋ بولدى. بارشاڭىزعا اللا رازى بولسىن! ەڭ اۋەلى ابىروي بەرگەن اللاعا مىڭ قايتارا شۇكىر! وسى 1،5 اي ىشىندە جاقسى دا ءسوز ەستىدىك جامان ءسوز بەن «ءتۇرلى-تۇستى» پىكىردى دە قۇلاعىمىز شالىپ قالىپ جاتتى. ءبىراق، بارىمىزدە باستاعان ءىستى اياعىنا دەيىن جەتكىزەمىز دەگەن ءبىر عانا ماقسات بولدى. سول نيەتكە جەتكىزگەن جاراتۋشى، قۇدىرەتى شەكسىز، اللاعا مىڭ قايتارا شۇكىرلىك ايتامىز! بارشامىزعا تەك قۋانىشتى كۇندەر ءناسىپ بولسىن!»، - دەپ جازدى نۇربولات ادىربەك.