سينوپتيكتەر قازاقستاندا 2025 جىلعى 20 تامىزدا، سارسەنبى كۇنى اۋا رايى قانداي بولاتىنىن ايتتى، دەپ حابارلايدى bairaqmedia.kz.
"قازگيدرومەت" رمك دەرەگىنشە، رەسپۋبليكانىڭ باتىسى، وڭتۇستىگى جانە شىعىسىندا انتيسيكلون اسەرىنەن جاۋىن-شاشىنسىز اۋا رايى كۇتىلەدى.
سولتۇستىك-باتىس سيكلون جانە ونىمەن بايلانىستى اتموسفەرالىق فرونتتار قازاقستاننىڭ سولتۇستىك، سولتۇستىك-باتىس جانە ورتالىق وڭىرلەرىنە اسەرىن ساقتايدى – نايزاعاي ويناپ، جاڭبىر جاۋادى، سولتۇستىك-باتىس پەن سولتۇستىكتە بۇرشاق ءتۇسۋى ىقتيمال. رەسپۋبليكا بويىنشا جەل كۇشەيەدى، تۇندە جانە تاڭەرتەڭ سولتۇستىك، باتىس پەن ورتالىقتا تۇمان تۇسەدى، ال وڭتۇستىكتە شاڭدى داۋىل سوعادى، - دەلىنگەن بولجامدا.
