تانىمال ءانشى ساكەن مايعازييەۆ 2 مىڭ ادامعا دۇركىرەتىپ توي جاساماق. ءقازىر ونەر يەسى تويدىڭ قىزۋ دايىندىعىنا كىرىسكەن، دەپ حابارلايدى bairaqmedia.kz

ونەر جۇلدىزى ۇلى ادىلەت پەن بولاشاق كەلىنى ءاديانىڭ تويىنا دايىندىق بارىسى جايلى Istagram جەلىسىندە ءبولىستى. شاقىرتۋ تاراتۋدىڭ وزىنە ءبىراز ابىگەر بولعانىن جازىپ، ەكىويلى قوناقتاردىڭ جاۋابىنان شارشاعانىن مالىمدەدى.

تويدى ۇيىمداستىرۋدى تانىمال پروديۋسەر جان مۇقانوۆ موينىنا الىپتى.

بۇل ساكەن مەن دينارا مايعازييەۆتەردىڭ جالعىز ۇلىنىڭ ۇلكەن قۋانىشى. جاي عانا قۋانىش ەمەس - ەلدىڭ مادەني ومىرىندەگى ەرەكشە ءسات. سول سەبەپتى مەن باس پروديۋسەر رەتىندە بارلىق دەكوراتورلاردى، ديزاينەرلەردى، ۇيىمداستىرۋشىلاردى، ونەر مەن سۇلۋلىقتى تۇسىنەتىن سەرىكتەستەردى رەسمي تۇردە شاقىرامىن - بىرگە ۇلكەن مادەني وقيعانى جاساپ شىعارايىق، - دەپ جازدى پروديۋسەر.

          ءبىر قىزىعى ۇلان-اسىر تويعا ەكى مىڭ ادام شاقىرىلعانىمەن مەيرامحاناعا  تەك مىڭ قوناق سىيادى ەكەن.

«كەشكە 2000 ادام شاقىرىلىپتى. ءبىراق مەيرامحاناداعى ورىن ءارى كەتسە، مىڭ ورىنعا ەسەپتەلگەن. سوندىقتان ءتىزىمدى قاراپ، “كىمدى قيامىز، اعايىن؟” – دەپ ويلانىپ وتىرمىن»، – دەيدى پروديۋسەر.

جان مۇقانوۆ بۇل تويدى بارىنشا ەرەكشە قىلىپ ۇيىمداستىرماق. وندا قىزىل كىلەمنەن باسقا، تويدىڭ تىكەلەي كورسەتىلىمى دە بولماق. 

ايتا كەتەيىك، «مۋزارت» توبىنىڭ مۇشەسى جاڭاوزەندىكتەرمەن قۇدا بولعالى جاتىر.

ساكەن مايعازييەۆتىڭ شاڭىراعىنداعى قۇدالىق ماۋسىمنىڭ التىسىندا وتەدى.