قازاق بوكسشىسى سادريددين احمەدوۆ (15-0، 13 KO) كاليفورنيا شتاتى، كوممەرس قالاسىندا وتكەن بوكس كەشىندە تەڭ ناتيجە كورسەتتى، دەپ حابارلايدى Bairaqmedia.kz.

احمەدوۆ مەكسيكالىق بوكسشى ەلياس ەسپاداسپەن (23-6، 16 KO) جۇدىرىقتاستى. بۇل جەكپە-جەك ءبىرىنشى ورتا سالماقتا ءوتتى جانە ون راۋندقا جوسپارلانعان بولاتىن. قارسىلاسۋ تەڭ ناتيجەمەن اياقتالدى.

وسىلايشا، سادريددين احمەدوۆ كاسىپقوي مانسابىندا العاش رەت جەڭىسكە جەتە المادى. بۇعان دەيىن ول قاتارىنان 15 جەكپە-جەكتە جەڭىسكە جەتكەن. ال ەلياس ەسپاداس ءۇشىن بۇل – مانسابىنداعى جەتىنشى جەڭىلىس.

ايتا كەتەيىك، بۇل – احمەدوۆتىڭ 2025 جىلعى العاشقى جەكپە-جەگى. 2024 جىلى ول ەكى كەزدەسۋ وتكىزىپ، ەكەۋىندە دە قارسىلاستارىن نوكاۋتپەن جەڭگەن بولاتىن: امەريكالىقتار انتونيو تودد (17-12، 9 KO) پەن رافاەل يگبوكۆەنى (17-6، 7 KO) مەرزىمىنەن بۇرىن توقتاتقان ەدى.