بالقاشتاعى ەلدى دۇرلىكتىرگەن جاعدايعا قاتىستى تىڭ دەرەك شىقتى. سەگىز جاستاعى بالانى اياۋسىز ۇرىپ-سوعىپ، قيناعان دەلىنگەن كۇدىكتىنىڭ ايەلى كوپشىلىككە وقيعانىڭ قالاي بولعانىن بايانداپ بەردى، دەپ حابارلايدى bairaqmedia.kz.

«مەن الماس باسىمبەكوۆتىڭ ايەلى، 8 جاستاعى ەربولاتتىڭ اپايىمىن. ويلارىڭىزدى سان-ساققا جىەرمەۋ ءۇشىن ءبارىن باسىنان باستاپ ايتىپ بەرەيىن. ەربولاتتىڭ اناسى ءبىز سۇراماساق تا ونى جاز سايىن بىزگە جىبەرەدى. اتاسىن، ياعني مەنىڭ اكەمدى سىلتاۋراتىپ، مەرەكەلەردە دە جىبەرىپ وتىرادى. اكەم ۆاحتالىق ادىسپەن 15 كۇن جۇمىس ىستەپ، 15 كۇن دەمالادى. قىزمەتكە كەتكەن كەزدە ەربولاتتى ءبىزدىڭ قاراۋىمىزعا تاپسىرىپ كەتەدى. ءوزىمىز ەكى بالانى تاربيەلەپ وتىرعان وتباسىمىز، مەن دە جۇبايىم دا جۇمىس ىستەيمىز. كۇيەۋىم ءوز بالاسىنا قاراعانداي قارايدى، تاماعى توق، كويلەگى كوك. ول مەنىڭ تۋعان باۋىرىمنىڭ ۇلى. مەن ونىڭ ەكىنشى اناسى سەكىلدى اداممىن»، — دەيدى كۇدىكتىنىڭ ايەلى.

ۆيدەوداعى ايەلدىڭ ايتۋىنشا، 8 جاستاعى ەربولاتتى اناسى ناعاشى اتاسىنىڭ ۇيىنە 5 جىل بويى جىبەرىپ كەلگەن. سول ۋاقىت ارالىعىندا وعان ەشكىم تيىسپەگەن.

«وقيعا بولعان كۇنى مەن جۇمىستا ەدىم. ال جۇبايىم 3 بالاعا: مەنىڭ جاسقا تولعان ۇلىم، 4 جاسار قىزىم جانە ەربولاتتى قاراپ، ۇيدە بولعان. تۇسكى تاماقتارىن بەرىپ، كىشى ۇلىمدى ۇيىقتاتىپ، ەكى بالانى شۋلاماسىن دەپ قولدارىنا پلانشەت بەرىپ، ءوزى شارۋالارمەن اينالىسىپ جۇرگەن. ءبىر كەزدە ۇل مەن قىز وتىرعان بولمەنىڭ اشىق تۇرعان ەسىگىنەن سۇمدىق كورىنىسكە كۋا بولادى. ەربولات قارىنداسىن شەشىندىرىپ، بۇتىن اشىپ، ءوزى ءىش كيىمىن شەشىپ، ۇستىندە جاتقان. شوشىپ كەتكەن كۇيەۋىم ەربولاتتى يتەرىپ جىبەرىپ، قىزىن تەكسەرە باستاعان. قان جوق پا دەپ قاراعان. ول ۇلدى ۇرماي تۇرىپ، «نە ىستەدىڭ» دەپ سۇراعان، بالا «ءبىر رەت يتەردىم» دەپ جاۋاپ بەرگەن. ودان كەيىن جۇبايىم نە ىستەپ، نە قويعانىن بىلمەيدى»، — دەدى ايەل.

كۇدىكتىنىڭ ايەلى كۇيەۋى ءبارىن اففەكتتى شوك جاعدايىندا ىستەگەنىن اتاپ ءوتتى.

ول «قازاقمىس» قىزمەتكەرىنىڭ ايەلى 8 جاستاعى بالانىڭ اناسىنىڭ «دەنەسىن كۇيدىردى، تيىن جۇتقىزدى، ساۋساقتارىن سىندىردى» دەگەن سوزدەرى جالعان ەكەنىن مالىمدەدى.

«ءقازىر ساراپتامانى كۇتىپ وتىرمىز، كۇيەۋىم جاۋاپكەرشىلىكتەن قاشپايدى، ول ءقازىر تەرگەۋ يزولياتورىندا وتىر. بالانىڭ ساۋساقتارىن سىندىردى دەگەن وتىرىك، مۇمكىن ۇرعان كەزدە زاقىم كەلگەن شىعار. وتباسىمىزدىڭ باسىنان وتكەرىپ وتىرعان جاعدايدى، جاۋىما دا تىلەمەيمىن. ءبىز قاراپايىم عانا وتباسىمىز. ۆيدەونى تاراتىڭىزدار»، — دەدى ايەل.

ەسكە سالا كەتەيىك، «قازاقمىس» قىزمەتكەرى 8 جاستاعى ۇل بالانى ۇرىپ-سوعىپ، قيناعانى ءۇشىن كۇدىككە ىلىنگەن ەدى.