«قازگيدرومەت» رمك مالىمەتىنشە، 19 تامىزدا قازاقستان اۋماعىندا ءقاۋىپتى مەتەورولوگيالىق قۇبىلىستار بولۋى مۇمكىن.
سولتۇستىك-باتىس سيكلونى جانە ونىمەن بايلانىستى اتموسفەرالىق فرونتتار ەلدىڭ كوپ بولىگىندە ءوز ىقپالىن ساقتايدى. كوپتەگەن وڭىرلەردە نايزاعاي ويناپ، جاڭبىر جاۋادى. قيىر شىعىستا قاتتى جاڭبىر جاۋادى دەپ بولجانۋدا، كەي جەرلەردە بۇرشاق ءتۇسۋى مۇمكىن.
ال رەسپۋبليكانىڭ باتىسىندا، وڭتۇستىگى مەن ورتالىعىندا انتيسيكلوننىڭ اسەرىنەن جاۋىن-شاشىنسىز اۋا رايى كۇتىلەدى. رەسپۋبليكا بويىنشا جەلدىڭ كۇشەيۋى بولجانۋدا، سولتۇستىك پەن شىعىستا تۇنگى جانە تاڭعى ۋاقىتتا تۇمان تۇسەدى، ال باتىس وڭىرلەردە شاڭدى داۋىل تۇرۋى ىقتيمال.
كۇندىز اتىراۋ وبلىسىندا 35-39 گرادۋسقا دەيىن قاتتى ىستىق، اقتوبە وبلىسىنىڭ وڭتۇستىگىندە 35 گرادۋس ىستىق بولادى.
جوعارى ءورت ءقاۋپى الماتى وبلىسىندا، جەتىسۋ وبلىسىنىڭ باتىسى، وڭتۇستىك-شىعىسى مەن ورتالىعىندا، اتىراۋ وبلىسىنىڭ سولتۇستىگى مەن وڭتۇستىگىندە، باتىس قازاقستان وبلىسىنىڭ وڭتۇستىك-باتىسىندا، جامبىل وبلىسىنىڭ وڭتۇستىگى مەن ورتالىعىندا بولجانۋدا.
توتەنشە ءورت ءقاۋپى تۇركىستان، قىزىلوردا، ماڭعىستاۋ وبلىستارىندا، باتىس قازاقستان وبلىسىنىڭ باتىسىندا، الماتى وبلىسىنىڭ باتىسى، سولتۇستىگى مەن شىعىسىندا، جامبىل وبلىسىنىڭ سولتۇستىگى، باتىسى مەن شىعىسىندا، اتىراۋ وبلىسىنىڭ باتىسى مەن شىعىسىندا، سونداي-اق قوستاناي، قاراعاندى، اقتوبە جانە اباي وبلىستارىنىڭ وڭتۇستىگىندە كۇتىلەدى.
