ديكيي ارمان" دەگەن اتپەن تانىمال ارمان جۇماگەلدييەۆتىڭ اناسى روزا جۇماگەلدييەۆا قايتىس بولدى، دەپ حابارلايدى bairaqmedia.kz.

سۋىق حاباردى ارماننىڭ دوسى نۇرجان «نويس» يمانالييەۆ Instagram-داعى پاراقشاسىندا جەتكىزدى. 

«بۇگىن جۇرەگىمىزدى اۋىرتقان قارالى حابار جەتتى... ارداقتى دوسىمىز ارماننىڭ اسىل اناسى، ءقادىرلى روزا اپاي ومىردەن وزدى. جاراتقان يەمىز ونىڭ جانىن ءجانناتتىڭ ەڭ جوعارى دارەجەسى - فيرداۋس ءجانناتىنا ورنالاستىرعاي. روزا اپايىمىز يماندى، پاراساتتى، سابىرلى، تەكتى، اقىلگوي جان ەدى.

تاعدىردىڭ اۋىر سىناقتارىن باستان وتكەردى... جالعىز ۇلىنا ۇزاق جىل جازا بەرىلىپ، بالاسىنىڭ باسىنا بۇلت ۇيىرىلگەن قيىن كەزەڭدەر بولدى. ءبىراق انا جۇرەگى سونىڭ بارىنە ءتوزىپ، بالاسىنان ەشقاشان تەرىس اينالعان جوق. اقىرعى دەمى الدىندا دا قوستانايعا بارىپ، ۇلىن كورىپ قايتتى... سول ساتتەن كەيىن جۇرەك اۋىرتپالىعىنا شىداي الماي، اۋرۋحاناعا ءتۇسىپ، سول جەردە جاراتۋشىسىنا قايتتى. قانداي اۋىر سىناق...

انا جۇرەگى، انا مەيىرىمى بالاسىنىڭ قاسىندا، بالاسى ءۇشىن تۋلاعان كۇيدە سوڭعى ساپارعا اتتاندى. باۋىرلار، جاماعات، دوستار — ارماندى تانىعان، بىلەتىندەر، ءبىر مەزەت قول جايىپ روزا اپايىمىزعا دۇعا ارنايىق. اللا تاعالا روزا انانىڭ جانىن راقىمىنا الىپ، كۇنالارىن كەشىرىپ، ءقابىرىن نۇرعا بولەسىن. ارمان باۋىرىما سابىر مەن كۇش-قۋات، ءتوزىم مەن شىن يمان بەرسىن. جۇما كۇنى دۇنيە سالعان ادامنىڭ دارەجەسى بيىك دەلىنەدى. بۇل دا اللانىڭ ەرەكشە تاڭداۋى بولار...

ءيا اللا، بۇل انامىزدى راحمەتىڭە بولەپ، ارتىندا قالعان بالاسىنا سابىر مەن بەكەمدىك بەرە گور»، — دەپ جازدى ول.