قاراعاندى وبلىسىندا كوكتەمگى سۋ تاسقىنى ناتيجەسىندە بەس نەگىزگى سۋ قويماسى: ىنتىماق، جارتاس، جەزدى، اششىسۋ جانە شوقاي سۋ قويمالارى 100% تولدى. سامارقاند سۋ قويماسى 87%-عا تولتىرىلدى، دەپ حابارلايدى Bairaqmedia.kz.

سۋ رەسۋرستارى جانە يرريگاسيا مينيسترلىگىنىڭ مالىمەتىنشە، ءوڭىردىڭ سۋ قويمالارى 328 ملن تەكشە مەتر سۋ جيناعان. ءقازىر «قازسۋشار» قاراعاندى فيليالى سۋارۋ كەزەڭىنە دايىندالىپ جاتىر. 

سۋ بەرۋگە وتىنىمدەر جيناۋ جانە اۋىل شارۋاشىلىعى تاۋارلارىن وندىرۋشىلەرمەن شارتتار جاساسۋ جۇرگىزىلىپ جاتىر. كانالداردى تازالاۋ، سۋدى ەسەپتەۋ اسپاپتارىن ورناتۋ جانە گيدروبەكەتتەردى تەكسەرۋ جۇرگىزىلەدى.

قاراعاندى فيليالى نىساندارىنداعى كوكتەمگى سۋ تاسقىنى شتاتتىق رەجيمدە ءوتتى. سۋ تاسقىنى كەزەڭى كەلەڭسىزدىكتەرسىز ءوتتى، بۇل الدىن الا جۇرگىزىلگەن دايىندىق شارالارىنىڭ ناتيجەسى، – دەدى «قازسۋشار» رمك قاراعاندى فيليالى ديرەكتورىنىڭ مىندەتىن اتقارۋشى ءمۇسلىم اققوجين.