شىمكەنت قالاسى اكىمىنىڭ ورىنباسارى رۋسلان بەردەنوۆكە جاسالعان شابۋىلعا قاتىستى سوت پروسەسىندە مەملەكەتتىك ايىپتاۋشى ەرنار جيەمبايدى 11 جىل 3 ايعا باس بوستاندىعىنان ايىرۋدى سۇرادى، دەپ حابارلايدى bairaqmedia.kz.

سوتتا پروكۋرور باۋرجان كارامانوۆ ايىپتالۋشىنىڭ ارەكەتتەرى كۋاگەرلەردىڭ ءسوزى مەن ءىس ماتەريالدارىمەن تولىق دالەلدەنگەنىن ايتتى. ول جيەمبايدىڭ قىلمىستى ماس كۇيدە جاساعانىن – اۋىرلاتاتىن، ال ونىڭ كامەلەت جاسىنا تولماعان بالالارىنىڭ بارىن – جەڭىلدەتەتىن ءمان-جاي رەتىندە اتاپ ءوتتى.

ايىپتالۋشىعا قىلمىستىق كودەكستىڭ 99-بابىنىڭ 1-بولىگى (“ادام ءولتىرۋ”) جانە 24-بابىنىڭ 3-بولىگى (“قىلمىسقا دايىندالۋ جانە اياقتالماعان قىلمىسقا وقتالۋ”) بويىنشا ايىپ تاعىلعان.