بوستوندا (اقش) مانەرلەپ سىرعاناۋدان الەم چەمپيوناتىندا قازاقستاندىق سپورتشى ميحايل شايدوروۆ كۇمىس مەدال جەڭىپ الىپ، قازاقستان مانەرلەپ سىرعاناۋ تاريحىندا ماڭىزدى جەتىستىككە قول جەتكىزدى، دەپ حابارلايدى Bairaqmedia.kz. . 

سپورتشى سەنىمدى ونەر كورسەتىپ، قىسقا جانە ەركىن باعدارلامالاردا جوعارى دەڭگەيدە سىرعاناۋمەن كوزگە ءتۇستى. ونىڭ جالپى ۇپاي سانى 287. 47 بولىپ، ونى الەمنىڭ ۇزدىك ەكى سپورتشىسىنىڭ قاتارىنا قوسىلۋعا مۇمكىندىك بەردى.

ايتا كەتسەك، بۇل – قازاقستان مانەرلەپ سىرعاناۋ تاريحىنداعى ءۇشىنشى مەدال. بۇعان دەيىن دەنيس تەن الەم چەمپيوناتىندا 2013 جىلى كۇمىس، ال 2015 جىلى قولا مەدال يەلەنگەن ەدى.

سونداي-اق، بۇل – ميحايل ءۇشىن ماۋسىمداعى ەكىنشى ءىرى جەڭىسى. بۇعان دەيىن ول ءتورت قۇرلىق چەمپيوناتىندا توپ جارىپ، 2015 جىلى ءدال وسى جارىستا جەڭىسكە جەتكەن دەنيس تەننىڭ جەتىستىگىن قايتالاعان ەدى.

ەندى ول رەسمي تۇردە وليمپيادا جولداماسىنا يە بولىپ، ميلاندا قازاقستان نامىسىن قورعايتىن بولادى.