جاستار اراسىندا كەڭىنەن تانىمال Qurt (شىن اتى - دامير قويشىبايەۆ) ەسىمدى رەپەردىڭ جۇبايى ارۋجان قويشىبايەۆا، 4 شىلدەگە قاراعان ءتۇنى Instagram جەلىسىندە تۇرمىستىق زورلىق-زومبىلىق كورگەن تۋرالى ايتىپ، كوپشىلىكتەن كومەك سۇرادى، دەپ حابارلايدى bairaqmedia.kz. 

ارۋجاننىڭ ايتۋىنشا، وقيعا 2025 جىلدىڭ 27 ماۋسىمىندا تاڭعى ۋاقىتتا بولعان. 

"ول مەنى ءبىر ساعات بويى بەلبەۋمەن سابادى. ءبىر بەلبەۋ ءۇزىلىپ قالعان سوڭ، ەكىنشىسىن الىپ كەلدى. قاشىپ قۇتىلا المادىم. "مەنى ءولتىرىپ جاتىر!" دەپ ايقايلاعان سوڭ، كورشىلەرىم ەستىپ، مەنى قۇتقارىپ قالدى"، — دەپ جازدى ول.

ساۋ-تامتىعى قالماعان ايەل كورشىسىنىڭ كومەككە جۇگىنىپ، ارتىنشا قۇزىرلى ورگانداردى شاقىرعان. ءقازىر ارۋجان قاراشادان ادۆوكاتقا قاراجات جيناۋ ۇستىندە.

ارۋجاننىڭ سوزىنشە، كەيىن Qurt ەلدەن كەتۋگە ارەكەتتەنىپ، ونىڭ بۇرىن سوتتالعان دوسى قورقىتۋ حابارلامالارىن جىبەرە باستاعان. سول حابارلامالاردىڭ بىرىندە:

"سەن مەنى ارانداتپا. قولىم ۇزىن، سەنى ءبارىبىر تابامىن" — دەلىنگەن.

بۇدان بولەك، ارۋجان كۇيەۋى بىرنەشە اداممەن كەلىپ، ونى ەشقانداي شاعىمى جوق دەگەن مازمۇنداعى ۆيدەوجازبا جاساۋعا ماجبۇرلەمەك بولعانىن ايتتى. سونىمەن بىرگە، Qurt-تىڭ اناسى دا ارىزىن قايتارىپ الۋعا قىسىم كورسەتكەن.

بۇل جاعداي قوعامدا ۇلكەن رەزونانس تۋدىرىپ، وتاندىق ونەر وكىلدەرى دە ءۇن قوسا باستادى. رەپەر SayMo مەن ءانشى سالتانات نۇكەنوۆانىڭ اعاسى ايتبەك امانگەلدى ارۋجانعا قولداۋ ءبىلدىرىپ، ءادىل تەرگەۋ جۇرگىزۋدى تالاپ ەتتى.