الماتى قالاسىندا وتكەن جارتىلاي مارافون كەزىندە ەكى قاتىسۋشىنىڭ قازا تابۋىنا بايلانىستى تولىققاندى تەكسەرىس جۇرگىزىلىپ جاتىر. بۇل تۋرالى تۋريزم جانە سپورت ءمينيسترى ەربول مىرزابوسىنوۆ ايتتى، دەپ حابارلايدى Bairaqmedia.kz.

ونىڭ ايتۋىنشا، قاتىسۋشىلاردىڭ دەنساۋلىق جاعدايى، جارىستى ۇيىمداستىرۋ ءتارتىبى، مەديسينالىق قامتاماسىز ەتۋ دەڭگەيى مەن قاۋىپسىزدىك رەگلامەنتى جان-جاقتى ساراپتالادى.

جەرگىلىكتى اتقارۋشى ورگاندار وتكىزەتىن مۇنداي شارالارعا تالاپتى كۇشەيتەمىز. بۇقارالىق سپورت ءقاۋىپسىز ءارى كاسىبي دەڭگەيدە ۇيىمداستىرىلۋعا ءتيىس، – دەدى ەربول مىرزابوسىنوۆ.

سونداي-اق ۆەدومستۆو باسشىسى تۋريزم جانە سپورت مينيسترلىگى بۇل باعىتتا ناقتى ۇسىنىستار ازىرلەپ، ءتيىستى قۇرىلىمدارعا جولدايتىنىن مالىمدەدى.

ەسكە سالا كەتسەك، بۇعان دەيىن الماتىدا Almaty Half Marathon كەزىندە ەكى قاتىسۋشى جارىس كەزىندە كوز جۇمعانىن حابارلاعان بولاتىنبىز.