ءماجىلىس ەنداۋمەنت قور تۋرالى زاڭ جوباسىن ءبىرىنشى وقىلىمدا ماقۇلدادى، دەپ حابارلايدى Bairaqmedia.kz.

عىلىم جانە جوعارى ءبىلىم مينيسترلىگىنىڭ باستاماسىمەن ازىرلەنگەن بۇل زاڭ جوباسى نىسانالى كاپيتال قورلارىن جانە ەنداۋمەنت-قورلاردى اشىق تۇردە قالىپتاستىرۋ مەن جۇمىس ىستەۋىنە قۇقىقتىق نەگىز قالايدى.

وندا ءبىلىم بەرۋ، عىلىم جانە يننوۆاسيالىق قىزمەت، بۇقارالىق سپورت، دارىلىك قامتۋ مەن مەديسينالىق قىزمەت كورسەتۋ، حالىقتى الەۋمەتتىك قورعاۋ سياقتى ەنداۋمەنت-قورلاردىڭ قارجىلاندىرۋ سالالارى ناقتى ايقىندالعان.

ەنداۋمەنت-قوردىڭ اكتيۆتەرى قۇرامىنا اقشالاي قاراجات، باعالى قاعازدار، جىلجىمايتىن مۇلىك جانە زياتكەرلىك مەنشىك كىرە الادى. وعان مۇلىكتى شەكتەۋسىز مەرزىمگە، كەم دەگەندە 10 جىلعا دەيىن بەرۋگە بولادى. بەرىلگەن مۇلىكتىڭ قۇنى ساقتالادى، تەك ونى باسقارۋدان تۇسكەن ينۆەستيسيالىق تابىستى عانا جۇمساۋعا رۇقسات ەتىلەدى.

اكتيۆتەر كولەمى زاڭ جوباسىندا بەلگىلەنگەن شەكتەن اسقان جاعدايدا، ولار مىندەتتى تۇردە كاسىبي باسقارۋشى كومپانيانىڭ سەنىمگەرلىك باسقارۋىنا بەرىلۋگە ءتيىس. دەپۋتاتتاردىڭ ۇسىنىسى بويىنشا بۇل شەك 10 مىڭ اەك مولشەرىندە بەلگىلەندى، ال اكتيۆتەردى بەرۋ مەرزىمى – 3 اي. وسى ۋاقىتقا دەيىن ولار ەكىنشى دەڭگەيلى بانكتەردىڭ دەپوزيتتەرىندە ورنالاستىرىلادى.

ءماجىلىس دەپۋتاتتارى ناقتىلاپ وتكەندەي، بۇل زاڭ جوباسى اۆتونومدى ءبىلىم بەرۋ ۇيىمدارىنىڭ ەنداۋمەنت-قورلارىنىڭ قىزمەتىنە قولدانىلمايدى.