الياسكادا جۋرناليستەر رەسەيدىڭ سىرتقى ىستەر ءمينيسترى سەرگەي لاۆروۆتى سۇر ءتۇستى سۆيتشوتتا، ونىڭ ۇستىندەگى قارا جيلەتتىڭ استىنان «سسسر» دەگەن جازۋ بايقالاتىن كيىممەن كەلگەنىن سۋرەتكە ءتۇسىرىپ الدى، دەپ حابارلايدى Arasha.kz.
Telegram-ارناسلار لاۆروۆتىڭ انكوريدج قالاسىندا كولىكتەن ءتۇسىپ، قوناقۇيگە قاراي بارا جاتقان ءساتىنىڭ كادرلارىن جاريالاۋدا.
رەسەي جانە اقش پرەزيدەنتتەرى ۆلاديمير پۋتين مەن دونالد ترامپ 15 تامىزدا الياسكا شتاتىنىڭ انكوريدج قالاسىندا كەزدەسۋ وتكىزەدى. كەزدەسۋدىڭ تاقىرىبى – رەسەي مەن ۋكراينا اراسىنداعى سوعىستى توقتاتۋ.
بۇل ەكى مەملەكەت باسشىلارىنىڭ 2021 جىلعى ماۋسىمدا پۋتين جەنيەۆادا سول كەزدە اقش اكىمشىلىگىن باسقارعان دجو بايدەنمەن كەزدەسكەننەن كەيىنگى العاشقى بەتپە-بەت كەلىسسوزى بولماق.
