نيدەرلاندتا ەسىرتكى مەن پسيحيكالىق اۋرۋلارعا شالدىققان ايەل ۇلىن بەسىنشى قاباتتان لاقتىرىپ جىبەردى. بۇل تۋرالى De Telegraaf باسىلىمى حابارلادى.

وقيعا زيۋتفەن قالاسىنداعى كوپقاباتتى ۇيدە 2024 جىلدىڭ قاراشا ايىندا بولعان. 42 جاستاعى ايەل مەن ونىڭ بەس جاستاعى ۇلى وسى ۇيدە تۇرعان. ايەلدىڭ ايتۋىنشا، وقيعا كەزىندە ول «ترانس ءتارىزدى كۇيدە» بولعان. بالاعا بەتىنەن ءسۇيىپ، تەرەزەگە جاقىنداپ: «كوبەلەك سەكىلدى سامعا»، — دەگەن سوزدەن كەيىن ونى 15 مەتر بيىكتىكتەن تومەن لاقتىرىپ جىبەرگەن.

سالدارىنان بالا اۋىر جاراقات الىپ، وكپەسى زاقىمدانىپ، باسقا دا جاراقاتتار تىركەلگەن. دەگەنمەن دارىگەرلەر ونىڭ ءومىرىن امان ساقتاپ قالدى. بىرنەشە كۇننەن كەيىن بالا اۋرۋحانادان شىعارىلىپ، قامقورلىققا الىنعان وتباسىنا تاپسىرىلدى.

ساراپتاما ناتيجەلەرى بويىنشا، كۇدىكتىگە شيزوفرەنيا، پوستتراۆماتيكالىق سترەسس بۇزىلىسى، سونداي-اق ەسىرتكى مەن الكوگولگە تاۋەلدىلىك دياگنوزدارى قويىلعان. مەديسينالىق جانە سوت-پسيحياتريالىق تەكسەرۋ ونىڭ قىلمىس جاساعان ساتتە ەسى دۇرىس بولماعانىن انىقتادى. قازىرگى تاڭدا پروكۋراتۋرا وسى ىسكە بايلانىستى ۇكىم شىعارۋعا دايىندىق جۇرگىزىپ جاتىر.