الماتىدا تۇرعىن ءۇي اۋلاسىندا وقىس وقيعا بولىپ، كىشكەنتاي قىز جاراقات الدى، دەپ حابارلايدى bairaqmedia.kz.

بالانىڭ اناسىنىڭ سوزىنشە، قىزى اۋلادا ويناپ جۇرگەن كەزدە شام باعاناسىنىڭ قاسىندا ورنالاسقان توق جۇرگەن مەتالل ارماتۋراعا قولىن تيگىزىپ العان.

«قىزىم جەرگە وتىرىپ، تاسپەن ويناپ جاتقان. سول كەزدە شىعىپ تۇرعان ارماتۋراعا قولىن تيگىزىپ ەدى، توك سوعىپ، بىردەن قۇلاپ قالدى. قولىن ارەڭ تارتىپ الدىم، ءوزىم دە توق رازريادىن الدىم. جەدەل جاردەم شاقىردىق، ءقازىر قىزىم كۇيىك پەن ەلەكتر جاراقاتىمەن جانساقتاۋ بولىمىندە جاتىر»، – دەدى ايەل.

وقيعا RAMS Kazakhstan كومپانياسى سالعان، نوۆايا كوشەسى، 39 مەكەنجايىنداعى تۇرعىن ءۇي كەشەنىنىڭ اۋلاسىندا بولعان.

زارداپ شەككەن بالانىڭ اناسى اكىمدىكتەن جانە قۇرىلىس كومپانياسىنان جاعدايدى تەرگەۋدى جانە شارا قابىلداۋدى تالاپ ەتۋدە:

«كۇن سايىن بالالار وينايتىن اۋلادا 220 ۆولت توق جۇرگەن ارماتۋرا شىعىپ تۇر. بۇل – كەز كەلگەن بالا ءۇشىن ومىرگە ءقاۋىپ. مەن ادىلدىكتى قالايمىن جانە كىنالىلەر جاۋاپقا تارتىلسىن»، – دەدى ول.

ءقازىر دارىگەرلەر قىزدىڭ جاعدايىن باقىلاۋدا، ال وقيعانىڭ ءمان-جايى انىقتالىپ جاتىر.