قازىرگى تاڭدا الەم ەلدەرىندە بولىپ جاتقان ءتۇرلى ساياسي، ءدىني جانە الەۋمەتتىك وزگەرىستەر قوعام ومىرىنە ەلەۋلى ىقپال ەتىپ وتىر. بۇل ۇردىستەن قازاقستان دا تىس قالعان جوق. بۇل تۋرالى تۇركىستان وبلىسى ءدىن ىستەرى باسقارماسى «ءدىن ماسەلەلەرىن زەرتتەۋ ورتالىعىنىڭ» مامانى مالىمدەدى، دەپ حابارلايدى bairaqmedia.kz
ماماننىڭ ايتۋىنشا، سوڭعى جىلدارى اسىرەسە راديكالدى يدەولوگيالاردىڭ تارالۋى جانە ولاردىڭ قوعامنىڭ رۋحاني تىنىشتىعىنا تيگىزىپ جاتقان اسەرى الاڭداۋشىلىق تۋعىزىپ وتىر. راديكاليزم – بۇل ادامداردىڭ قانداي دا ءبىر يدەيانى نەمەسە كوزقاراستى شەكتەن تىس، ءتوزىمسىز تۇردە قولداۋى، سول يدەيا ءۇشىن وزگە وي-پىكىرلەردى مويىنداماۋى جانە كەيدە زورلىق-زومبىلىق ارەكەتتەرگە بارۋى. بۇل قۇبىلىس اسىرەسە رۋحاني السىرەگەن، تۇراقسىز الەۋمەتتىك ورتادا ءجيى بايقالادى.
راديكالدى يدەولوگيا ەڭ الدىمەن ادامنىڭ ساناسىن ۋلايدى. ول ادامداردى شىنايى ءدىن مەن ونىڭ گۋمانيستىك نەگىزدەرىنەن الشاقتاتىپ، ءدىندى تەرىس تۇسىنۋگە جەتەلەيدى. مۇنداي يدەولوگيانىڭ ىقپالىنداعى ادام تەك ءوز ۇستانىمىن عانا دۇرىس دەپ ساناپ، باسقالاردى جاۋ ساناۋعا بەيىم بولادى. سونىڭ سالدارىنان، ادامدار اراسىندا الاۋىزدىق، قوعامدا بۇلىك پەن تۇراقسىزدىق پايدا بولادى. بۇل رۋحاني قاۋىپسىزدىككە تىكەلەي تونگەن ءقاۋىپ دەپ ايتۋعا تولىق نەگىز بار. سەبەبى رۋحاني قاۋىپسىزدىك – قوعامداعى ىشكى كەلىسىمنىڭ، تولەرانتتىلىقتىڭ، ءدىني جانە ۇلتتىق تاتۋلىقتىڭ تىرەگى.قازاقستان – كوپ ۇلتتى، كوپ كونفەسسيالى مەملەكەت. مۇنداي ەلدە ىشكى تۇراقتىلىق پەن بەيبىتشىلىكتى ساقتاۋ اسا ماڭىزدى. ءبىراق، راديكالدى يدەولوگيالار ءدال وسى كەلىسىم مەن بىرلىكتى بۇزۋعا تىرىسادى. ولار جاستاردى ءوز قاتارلارىنا تارتىپ، ولارعا جالعان ۋادەلەر بەرەدى، شىندىققا جاناسپايتىن يدەيالاردى سانالارىنا سىڭىرەدى. اسىرەسە، ينتەرنەت كەڭىستىگىندە راديكالدى مازمۇنداعى اقپاراتتاردىڭ كوپتەپ تارالۋى بۇل پروبلەمانى ودان ءارى كۇردەلەندىرە تۇسۋدە. ءبىلىمسىز، ومىرلىك تاجىريبەسى از جاستار مۇنداي اقپاراتقا تەز سەنىپ، اداسۋشىلىق جولىنا ءتۇسىپ كەتۋى مۇمكىن، - دەدى تۇركىستان وبلىسى ءدىن ىستەرى باسقارماسى «ءدىن ماسەلەلەرىن زەرتتەۋ ورتالىعىنىڭ» مامانى داستان ارىنبەك.
ونىڭ ايتۋىنشا، بۇگىندە ينتەرنەت پەن الەۋمەتتىك جەلىلەر راديكالدى يدەيالاردىڭ تارالۋىنا كەڭ مۇمكىندىك بەرىپ وتىر. جالعان ۋاعىزشىلار، ءدىننىڭ اتىن جامىلعان ۇيىمدار جاستاردى ارباي وتىرىپ، ولاردىڭ سەنىمىن تەرىس ماقساتقا پايدالانادى. اسىرەسە ءدىني ساۋاتى تومەن، الەۋمەتتىك جاعدايى ءالسىز، بولاشاعىنا سەنىمسىز جاستار راديكالدى اعىمداردىڭ وڭاي ولجاسىنا اينالىپ جاتادى.
