مەملەكەت باسشىسى قاسىم-جومارت توقايەۆ الەمدىك نارىقتاعى تۇراقسىزدىققا بايلانىستى ەكونوميكالىق ماسەلەلەردى تالقىلاۋ ءۇشىن كەڭەس وتكىزدى. جيىنعا پرەمەر-مينيستر ولجاس بەكتەنوۆ، ۇلتتىق بانك ءتوراعاسى تيمۋر سۇلەيمەنوۆ جانە باسقا دا جاۋاپتى تۇلعالار قاتىستى، دەپ حابارلايدى Bairaqmedia.kz.
كەڭەستە تاريفتىك قاقتىعىستار مەن جاھاندىق نارىقتاعى وزگەرىستەر سالدارىنان ەنەرگەتيكالىق رەسۋرستار مەن نەگىزگى تاۋارلاردىڭ باعاسى تومەندەپ، بۇل جاعداي ەل ەكونوميكاسىنا دا اسەر ەتىپ جاتقانى ايتىلدى.
پرەزيدەنت ۇكىمەت پەن جەرگىلىكتى اتقارۋشى ورگاندارعا داعدارىسقا قارسى ءىس-قيمىل جوسپارىن قىسقا مەرزىمدە اياقتاۋدى تاپسىردى. قۇجاتتا ەلدىڭ ەكونوميكالىق ءوسىمىن ساقتاپ قالۋ جانە ينۆەستيسيالار كولەمىن تومەندەتپەۋ كوزدەلەدى.
توقايەۆ ەلدەگى ەكونوميكالىق قيىندىقتارعا قاراماستان، ينفراقۇرىلىمدىق جوبالاردى، سيفرلاندىرۋ مەن جاساندى ينتەللەكتىنى دامىتۋ، اۋىل شارۋاشىلىعى مەن كولىك-لوگيستيكا سالاسىن جاڭعىرتۋ سياقتى باسىمدىقتار تولىق جۇزەگە اسىرىلاتىنىن اتاپ ءوتتى.
سونىمەن قاتار، پرەزيدەنت الداعى اپتادا بۇل ماسەلەگە ارنالعان ارنايى كەڭەس وتكىزۋدى جوسپارلاپ وتىر.
