يراننىڭ وڭتۇستىگىندەگى شاحيد رادجاي پورتىندا كۇشتى جارىلىس بولدى دەپ حابارلايدى bairaqmedia.kz
يراننىڭ جەدەل ىزدەۋ-قۇتقارۋ قىزمەتىنىڭ رەسمي وكىلى جارىلىس سالدارىنان 516 ادامنىڭ جاراقات العانىن مالىمدەدى. زارداپ شەككەندەردىڭ ءبارى اۋرۋحاناعا جەتكىزىلگەن.
جارىلىستان شاحيد رادجاي پورتىنداعى اكىمشىلىك عيماراتتاردىڭ ءبىرى زاقىمدانعان. سونداي-اق، كوپتەگەن كولىك بۇلىنگەن. جارىلىستىڭ كۇشتى بولعانى سونشالىقتى، ءتىپتى بەندەر-ابباس پورتىنان كەمىندە 20 شاقىرىم جەردە ورنالاسقان پارسى شىعاناعىنداعى كەشم ارالىنداعىلار دا ەستىگەن. جارىلىس بىرنەشە شاقىرىم راديۋستاعى تەرەزەلەردى دە سىندىرعان.
جەرگىلىكتى اقپارات قۇرالدارىنىڭ مالىمەتىنشە، جارىلىس جانار-جاعارماي رەزەرۆۋارىنان باستالعان ورتتەن بولۋى مۇمكىن.
ءقازىر شاحيد رادجاي پورتى ۋاقىتشا جابىلعان. وقيعا ورنىندا تەرگەۋ جانە قۇتقارۋ جۇمىستارى جۇرگىزىلىپ جاتىر.
