تانىمال پروديۋسەر ءارى اكتريسا بايان الاگوزوۆا Instagram-داعى پاراقشاسىندا «مەشىتكە ايەلدەر كۇيەۋىمەن نەمەسە باۋىرلارىمەن بارۋى كەرەك» دەپ ايتقان ءانشى رۇستەم جۇگىنىسوۆكە ەلدەن كەتۋگە كەڭەس بەردى، دەپ حابارلايدى bairaqmedia.kz.
اكتريسانىڭ ايتۋىنشا، رۇستەم جۇگىنىسوۆ ايەلدەردىڭ قۇقىقتارى مەن ەركىندىكتەرىن قوعامدىق كەڭىستىكتە تىكەلەي شەكتەپ وتىر.
«نيكياح دەپ قىزدان ءبىر رەتتىك جىنىستىق قاتىناس سۇراپ تۇر. ەڭ سوراقىسى – ءانشى رۇستەم جۇگىنىسوۆ قىزدارعا كۇيەۋسىز نەمەسە باۋىرلارىمەن بىرگە بارماي، جالعىز جۇرمەڭدەر دەپ كەڭەس بەرىپ وتىر. مەن ۋاكىلەتتى ورگانداردان ونىڭ ارەكەتىنە قاتىستى كەم دەگەندە تۇسىندىرمە جۇمىستارىن جۇرگىزۋدى سۇرايمىن. ويتكەنى بۇل – ايەلدەردىڭ قۇقىعى مەن ەركىندىگىن قوعامدىق كەڭىستىكتە تىكەلەي شەكتەۋ.
ءبىز شاريعات جولىنداعى ەمەس، تاۋەلسىز مەملەكەتتە ءومىر سۇرەمىز. قىز بولسىن، ايەل بولسىن ءوزى كەز-كەلگەن جەرگە بارۋعا، جۇرۋگە قۇقىلى. ايتقان سوزىڭىزگە جاۋاپ بەرەسىز بە؟ ادامداردى ولاي اداستىرماڭىز. سىزگە ۇناماسا، اۋعانستان، يران، اراب ەلدەرىنە كوشىپ كەتىڭىز»، – دەدى پروديۋسەر.
