وليمپيادا چەمپيونى ەلدوس سمەتوۆ پاريجدەگى تاريحي جەڭىسىنە تۋرا ءبىر جىل تولعان كۇنى Instagram پاراقشاسىندا جانكۇيەرلەرىنە ارناپ جازبا جاريالادى، دەپ حابارلايدى bairaqmedia.kz.
سپورتشى وليمپيادا التىنىنا اپارار جولدىڭ وڭاي بولماعانىن، سول ءساتتىڭ ومىرىندەگى ەڭ بيىك جەتىستىك ەكەنىن ايتىپ، وتكەن كۇندەرگە شەگىنىس جاسادى.
«بۇگىن مەن ءۇشىن تاريحي كۇن دە كەلىپ جەتتى. وسىدان تۋرا ءبىر جىل بۇرىن ارمانىما قول جەتكىزىپ، وليمپيادا چەمپيونى اتاندىم. ءۇش وليمپيادانىڭ ءارقايسىسى جۇرەگىمدە ەرەكشە ورىن الادى. ءبىراق پاريج وليمپياداسىنىڭ التىنى مەن ءۇشىن ءارقاشان ەڭ بيىگى بولىپ قالا بەرەدى. بۇل – ماڭداي تەر مەن ەڭبەكتىڭ اقتالعان كۇنى، بارلىق ماراپاتىمنىڭ شىڭى. ساتسىزدىكتەر مەن قيىندىقتار قاتار جۇرگەن جولدى ەڭسەرگەن كۇن. ارمان جولىندا كوپ نارسەدەن باس تارتۋعا، كوپ تاۋەكەلگە بارۋعا تۋرا كەلدى. بارلىق سپورتشى ءدال وسىنداي باقىتتى ءساتتى باستان كەشىرسە ەكەن دەپ تىلەيمىن»، – دەپ جازدى سمەتوۆ.
