الەمدىك مەگاجۇلدىز دجەننيفەر لوپەس قازاقستاندىق جاس ءانشى ءمولدىر بايبۋرينوۆا ورىنداعان كاۆەردى ءوزىنىڭ ينستاگرام پاراقشاسىندا ءبولىستى، دەپ حابارلايدى bairaqmedia.kz.

ۆيدەو ميلليونعا جۋىق قارالىم جينادى.

ءمولدىر بايبۋرينوۆا دجەننيفەر لوپەستىڭ "Ain't Your Mama" انىنە كاۆەر ورىنداپ، جەلى قولدانۋشىلارىنىڭ نازارىن اۋداردى. وقىرماندارى وعان ءتۇرلى جاعىمدى پىكىر جازىپ، قولداۋ بىلدىرۋدە.

"دجەنيفەر اپادان اسىپ كەتپەسەڭ، كەم ەمەسسىڭ. شەگىرتكەنى لاقتىرعانىڭا دەيىن"، "Jlo دان 100 ەسە جاقسى شىققان عوي ءانىڭ"، دەپ جاتىر ولار.

دجەننيفەر لوپەستىڭ "Ain't Your Mama" ءانى 2016 جىلدىڭ 7 ساۋىرىندە جارىق كورگەن. ءان ايەلدەردىڭ قۇقىقتارى مەن مۇمكىندىكتەرىن كەڭەيتۋ تاقىرىبىنا ارنالسا، اۋەنىندە رەگگي، دەنسحولل جانە لاتينوامەريكالىق مۋزىكا ەلەمەنتتەرى ۇيلەسىم تاپقان.