18 تامىز كۇنى قازاقستاننىڭ باسىم بولىگىندە قولايسىز اۋا رايىنا بايلانىستى داۋىلدى ەسكەرتۋ جاريالاندى، دەپ حابارلايدى bairaqmedia.kz «قازگيدرومەت» رمك باسپا ءسوز قىزمەتىنە سىلتەمە جاساپ.

سينوپتيكتەردىڭ بولجامىنشا، ەلىمىزدىڭ سولتۇستىگى مەن شىعىسىندا، سونداي-اق وڭتۇستىك جانە باتىس وڭىرلەرىندە اۋا رايى تۇراقسىز بولادى. كۇندىز نايزاعاي ويناپ، جەلدىڭ كۇشەيۋى، شاڭدى داۋىل، ال كەي جەرلەردە بۇرشاق كۇتىلەدى.

استانا قالاسىندا كۇن كۇركىرەپ، جەلدىڭ جىلدامدىعى 15–20 م/س-قا جەتەدى.

الماتىنىڭ تاۋلى ايماقتارىندا وتكىنشى جاۋىن جاۋىپ، نايزاعاي وينايدى.

اقمولا، قاراعاندى، پاۆلودار، شىعىس قازاقستان وبلىستارىندا قاتتى جەل سوعىپ، كەي جەرلەردە بۇرشاق ءتۇسۋى ىقتيمال.

قىزىلوردا، ماڭعىستاۋ، اتىراۋ وبلىستارىندا شاڭدى داۋىل كوتەرىلەدى.

جەتىسۋ جانە الماتى وبلىستارىندا قاتتى جاۋىن-شاشىن بولجانىپ وتىر.

"قازگيدرومەت" ماماندارىنىڭ ايتۋىنشا، ءبىرقاتار وڭىرلەردە ءورت ءقاۋپى وتە جوعارى دەڭگەيدە ساقتالۋدا. اسىرەسە، قۇرعاقشىلىقتان زارداپ شەگىپ وتىرعان وڭتۇستىك ايماقتاردا تۇرعىندارعا اشىق الاڭدا وت جاقپاۋعا جانە ءورت قاۋىپسىزدىگىن ساقتاۋعا كەڭەس بەرىلەدى.

توتەنشە جاعدايلار مينيسترلىگى ازاماتتارعا اۋا رايى ەسكەرتۋلەرىن نازاردان تىس قالدىرماي، ساقتىق شارالارىن ۇستانۋعا شاقىرادى. ءقاۋىپتى جاعدايدا 112 نومىرىنە قوڭىراۋ شالۋ قاجەت.