رۋسلان بەردەنوۆكە قاستاندىق جاساعان ەرنار جيەمبايدىڭ اكەسى جيەمباي پىرالييەۆ جۋرناليستەرگە سۇحبات بەرىپ، كەلىنىنىڭ ابىرويى ءۇشىن كوپ فاكتىلەردى جاسىرىپ قالعانىن ايتتى، دەپ حابارلايدى bairaqmedia.kz.
«مەنىڭ كەلىنىم وسىپ-ونگەن جەردىڭ قىزى. سوعان لايك باسقان. تاعى دا باسقا ارەكەتتەرى بار. ونىڭ ءبارىن بالام ىشىنە جۇتىپ كەتتى. وتباسىن ساقتاپ قالۋ ءۇشىن. سىزدەر ونى جالا جاپتى دەپ ويلاماڭىزدار. ول بولعان نارسە. ودان كەيىن ءوزى (بەردەنوۆ) دەپۋتات بولىپ كەلگەن مەملەكەتتىك ساياسي لاۋازىم يەسى. سويلەگەن سوزدەرىن كورىپ وتىرسىزدار. “سەن” دەپ سويلەيدى. “سەن” دەپ سويلەۋدىڭ ءوزى قاتەلىك. كەلە سالىپ: “مەن اكىم بولىپ كەلدىم”، “سەن نە بىلمەيسىڭ بە؟”، “نەگە الدىما كەلمەيسىڭ؟” – دەگەن بالاما. ودان بولەك: “سەنىڭ شاشىڭ ءتۇسىپ قالعان، ۇستىڭدە نە كيىم؟” – دەپ نامىسىنا تيگەن».
«كەلىنىمىزدىڭ جان-دۇنيەسىن قينامايىق دەدىك. سول سەبەپتى بالاما بىرنەشە رەت: “كەلىن تۋرالى ايتپاي-اق قويشى، 25 جىل بولسا دا الىپ كەتە بەرشى”، – دەپ ءوتىنىش جاسادىم. كوپ نارسەلەر ايتىلماي قالدى. تەك لايك باسۋمەن شەكتەلدىك.
ودان كەيىن سوت بارىسىندا دالەلدەنگەن فاكتىلەر اقپارات قۇرالدارىندا ايتىلمادى. بىلدەي ءبىر مەملەكەتتىڭ ساياسي قىزمەتكەرى قۇرىلىس باسقارماسىنىڭ باسشىسىنا شاقىرىپ الىپ: “سەن ەرنارعا ايت، تەز ارادا كەتپەسە، ءىستى بولادى. قاماتامىن”، – دەۋدىڭ ءوزى سەنساسيا عوي اقپارات قۇرالدارى ءۇشىن. سوتتاعى اقپاراتتىڭ 50 پروسەنتى عانا اقپارات قۇرالدارىندا جاريالاندى»، - دەيدى ول.
