بەلگىلى ازىلكەش مەرەكە قالبايەۆا امان تاسىعانعا بەرگەن سۇحباتىندا جانۇياسىندا ورىن العان تۇسىنىسپەۋشىلىكتەر تۋرالى اشىق ايتىپ بەردى، دەپ جازادى bairaqmedia.kz.
"وتباسىمىزداعى بالانس بۇزىلعاندىقتان ءقازىر شۋلاتىپ ءجۇرمىز. تۇرمىس قۇرعانىما 7،5 جىل بولدى. ارسەن ەكەۋمىز ۇيلەنگەن كەزدە جان-جاقتان بىزگە ءباس تىككەندەر كوپ بولدى. بۇلار ءبىر-اق اي تۇرادى، ارسەن باسقا قىزعا كەتىپ قالادى دەگەن اڭگىمەلەر ايتىلدى. ءوزىمنىڭ تۋعان شەشەم دە: ەرتەڭ ول باسقا قىزعا كەتەدى دايىن بول، باي كەرەك بولسا ۇنەمى وز-وزىڭە قاراپ ءجۇر دەپ ۇنەمى ايتىپ وتىراتىن. انامنىڭ ۋايىمى دا سول بولدى. شىنىمەن دە ول راس نارسە. ەركەك نە ءۇشىن كەتەدى؟ ويتكەنى ايەلدىڭ ءبىر جەرى دۇرىس ەمەس. ءقازىر وتباسىمىزدا رەنىشتەر بولىپ جاتىر. مەنىڭ تاراپىمنان دا، ارسەننىڭ تاراپىنان دا باسقا بىرەۋمەن سويلەسۋ، جامان ءجۇرىس دەگەندەر جوق. بىزدە ادالدىق ءبىرىنشى ورىندا تۇرادى. ءبىر-بىرىمىزدى جاقسى كورىپ، سىيلاپ تۇراتىنبىز. گارمونيادا ءومىر سۇردىك. ءبىراق ءبىر جىل بۇرىن كاسىپ باستايمىن دەدىم دە سىنالدىم. مەن ۇنەمى شۋلاتىپ جۇرگەندى جاقسى كورەمىن. ال ارسەن ونداي ەمەس، وعان تىنىشتىق كەرەك"، - دەدى ول.
ول كۇيەۋى ارسەننىڭ جوقتىعى قاتتى بايقالىپ جاتقانىن اتاپ ءوتتى.
"كۇن سايىن تۇندە جىلايمىن. ول نەگىزى التىن ادام عوي. مەن اجىراسۋدى ەلەستە دە المايمىن، ونداي نارسە بولمايتىن دا شىعار. ارسەننىڭ دوستارى دا قوسىلۋىمىزدى سۇراپ جاتىر. سەبەبى ءبىز قىزىعىپ قارايتىن جۇپپىز. كەز كەلگەن ورتادا ءبىر-بىرىمىزدى ءسوزسىز ءتۇسىنىپ وتىرامىز. مەن ونى يدەال كورەمىن، ونىڭ ءمىنىن مۇلدە بايقامايمىن. ۋاقىتى كەلگەندە كەشىرىپ سۇراپ بارامىن دەپ ويلايمىن، ءبىراق ءالى دايىن ەمەسپىن. ەموسيامەن كوپ نارسەنى قابىلداعانىممەن ءوزىمنىڭ، بالالارىمنىڭ ومىرىنە جاۋاپكەرشىلىكپەن قارايمىن. سوڭى جاقسى بولادى دەپ ويلايمىن"، - دەيدى ول.
