الماتىدا وتكەن مەرەيتويلىق كونسەرتتە بيبىگۇل تولەگەنوۆا كوپشىلىككە سالەم سالىپ، قۇرمەت كورسەتتى، دەپ حابارلايدى Bairaqmedia.kz.

الماتىدا كسرو جانە قازاقستاننىڭ حالىق ءارتىسى، قازاقتىڭ بۇلب ۇلى بيبىگۇل تولەگەنوۆانىڭ 95 جىلدىق مەرەيتويىنا ارنالعان ەرەكشە كونسەرت ءوتتى. شاراعا ونەر سۇيەر قاۋىم جينالىپ، اڭىز تۇلعانىڭ ساحناعا شىعىپ، شاكىرتتەرىمەن بىرگە ءان شىرقاۋىن جىلى قابىلدادى.

كەش بارىسىندا بيبىگۇل احمەت قىزىنىڭ قالىڭ كوپشىلىككە ءيىلىپ، سالەم سالۋىنان بايقالعان قاراپايىمدىلىعى مەن حالقىنا دەگەن قۇرمەتى كورەرمەندەردى ەرەكشە تولقىتتى. كونسەرتتەن كەيىن الەۋمەتتىك جەلىلەردە ءانشىنىڭ سالەم سالعان ءساتى بەينەلەنگەن جازبالار تاراپ، قىزۋ تالقىعا ءتۇستى.

بايان ماقساتقىزىنا سالەم ايتىڭدار، اڭىز ادام بيبىگۇل انامىزدان ارتىق ەمەس شىعار، – دەپ جازدى وسىنداي پاراقشالاردىڭ ءبىرىنىڭ يەسى. 

وقىرماندار «قانداي كەرەمەت كورىنىس؟!»، «بايان ۇلگى السىن»، «قانشا جاسقا كەلسە دە، حالىقتان ۇلكەن ەمەس» دەگەن سياقتى پىكىر ءبىلدىردى.