جۋرناليست ەربول سەيىلحاننىڭ YouTube ارناسىندا قوناقتا - حالىقارالىق ساراپشى نۇربولات نىشانباي. سۇحباتتا ازەربايجان مەن رەسەي اراسىنداعى شيەلەنىستىڭ ۋشىعۋى جانە ونىڭ وڭىرگە تيگىزۋى مۇمكىن سالدارى ءسوز بولدى، دەپ حابارلايدى bairaqmedia.kz
ساراپشىنىڭ ايتۋىنشا، قازىرگى تاڭدا ازەربايجان مەن رەسەي اراسىنداعى «سوعىس» نەگىزىنەن مەدياكەڭىستىكتە ءجۇرىپ جاتىر: اقپاراتتىق شابۋىلدار مەن ديپلوماتيالىق مالىمدەمەلەر.
ۋكراينانى قولداۋ – رەسەيمەن جاڭا تەكەتىرەستىڭ باستاۋى ما؟
شيەلەنىستى كۇشەيتكەن فاكتورلاردىڭ ءبىرى – ازەربايجان پرەزيدەنتى يلحام الييەۆتىڭ ۋكرايناعا قولداۋ ءبىلدىرۋى بولدى. بۇل مالىمدەمە رەسەيمەن قارىم-قاتىناسقا قالاي اسەر ەتۋى مۇمكىن؟ باكۋدىڭ بۇل ۇستانىمى ەكى ەل اراسىنداعى بايلانىستى ودان ءارى ناشارلاتۋى مۇمكىن بە؟ رەسمي ماسكەۋدىڭ رەاكسياسى قانداي بولدى؟
زانگەزۋر ءدالىزى: گەوساياسي مۇددەلەر توعىسى
سۇحبات بارىسىندا زانگەزۋر ءدالىزى تاقىرىبى دا قوزعالدى. بۇل – ازەربايجاندى ناحيچيەۆانمەن ارمەنيا اۋماعى ارقىلى بايلانىستىراتىن ستراتەگيالىق باعىت. اتالعان جوباعا الەمدىك دەرجاۆالار ەرەكشە قىزىعۋشىلىق تانىتىپ وتىر. نەلىكتەن اقش، جۇڭگو جانە تۇركيا بۇل باعىتتى ءجىتى باقىلاپ وتىر؟ ولاردىڭ بۇل ايماقتاعى مۇددەسى قانداي؟
تۇركيانىڭ ءرولى قانداي؟
تۇركيا پرەزيدەنتى رەجەپ تايىپ ەردوعان يلحام الييەۆكە اشىق قولداۋ بىلدىرۋدە. بۇل – انكارا مەن باكۋدىڭ تىعىز وداقتاستىعىن كورسەتەدى. ال، ەردوعان ازەربايجان مەن رەسەي اراسىندا اراعايىندىق تانىتا ما؟ الدە تۇركيا بۇل جاعدايدى وڭتۇستىك كاۆكازداعى ىقپالىن كۇشەيتۋ ءۇشىن پايدالانا ما؟
قازاقستان ءۇشىن قانداي قاۋىپتەر بار؟
جالعىز ءبىزدىڭ ەل ەمەس، ورتا ازيا ءۇشىن قانداي كەرى اسەرى بولۋى مۇمكىن؟ باكۋ مەن ماسكەۋ اراسىنداعى قاقتىعىستا تۇركى مەملەكەتتەرىنىڭ پوزيسياسى قانداي بولۋى قاجەت؟
تالقىلادىق. تالدادىق.
مىندەتتى تۇردە سۇحباتتى كورىڭىز!
