استاناداعى «بارىس ارەنادا» وتكەن كاسىبي بوكس كەشىندە قازاقستاندىق جانىبەك ءالىمحان ۇلى (16-0، 11 KO) كەزەكتى مارتە الەم چەمپيونى اتاعىن قورعاپ، جانكۇيەرلەرىن قۋانتتى، دەپ حابارلايدى Bairaqmedia.kz.

ورتا سالماقتاعى WBO جانە IBF نۇسقالارى بويىنشا الەم چەمپيونى بەلبەۋلەرىن باسكە تىككەن جانىبەك ءالىمحان ۇلىنىڭ قارسىلاسى فرانسيادان كەلگەن، ءالى جەڭىلىستىڭ ءدامىن تاتپاعان اناۋەل نگاميسسينگ (14-0، 9 KO) بولدى.

جەكپە-جەك باسىنان باستاپ جانىبەكتىڭ باسىمدىعىمەن ءوربىدى. ءبىرىنشى راۋندتا-اق جەرلەسىمىز قارسىلاسىن نوكداۋنعا جىبەرىپ، ءوز ۇستەمدىگىن كورسەتتى. تارتىستى كەزدەسۋ ون ەكى راۋندقا جوسپارلانعانىمەن، بەسىنشى راۋندتا ءالىمحان ۇلى قارسىلاسىن نوكاۋتقا ءتۇسىرىپ، جەكپە-جەكتى مەرزىمىنەن بۇرىن اياقتادى.

بۇل جەڭىس ارقىلى جانىبەك ءالىمحان ۇلى چەمپيوندىق بەلبەۋلەرىن ءساتتى قورعاپ قانا قويماي، ءوز شەبەرلىگىن تاعى ءبىر مارتە دالەلدەدى. ول الەمدىك ارەنادا قازاق بوكسىنىڭ ابىرويىن اسقاقتاتۋدى جالعاستىرا بەرمەك.