بەلگىلى اكتريسا ءارى ازىلكەش جۇلدىزاي دۇيسەنبييەۆا ارىپتەسى، «الداراسپان» تەاترىنىڭ جەتەكشىسى نۇرجان تولەندييەۆپەن اراداعى شىعارماشىلىق بايلانىسى تۋرالى بايانداپ بەردى، دەپ حابارلايدى bairaqmedia.kz.

AINUR ASANBERDI YouTube ارناسىنا بەرگەن سۇحباتىندا ول 15 جىلدىق تاريحى بار «الداراسپان» تەاترىندا ەكەۋىنىڭ بىرگە سومداعان رولدەرى حالىق اراسىندا ءالى كۇنگە دەيىن ايتىلىپ جۇرەتىنىن جەتكىزدى.

اكتريسانىڭ ايتۋىنشا، ساحناداعى شىنايى ويىندارى كورەرمەندەردىڭ ولاردى ەرلى-زايىپتى رەتىندە قابىلداۋىنا سەبەپ بولعان.

جۇرگىزۋشى «نۇرجان ەكەۋىڭىزدى نە بايلانىستىرادى؟» دەپ سۇراعاندا، جۇلدىزاي بۇل ساۋالعا بىردەن قالجىڭ ارالاستىرا جاۋاپ بەرگەن.

«نۇرجان ەكەۋمىزدى ماحاببات بايلانىستىرادى. ويتكەنى، ارامىزدا بالا بار. ءقازىر كورەرمەننىڭ ءبارى “ماسقارا! ايتتىم عوي!” دەپ وتىرعان شىعار» – دەپ ازىلدەدى.

ول بۇل ءسوزدىڭ استارىندا ەكەۋىنىڭ ونەرگە دەگەن ورتاق سۇيىسپەنشىلىگى جاتقانىن اتاپ ءوتتى.

«ماحاببات دەپ وتىرعانىم – تەاتر مەن ساحناعا دەگەن ماحابباتىمىز. نۇرجان ساحنانى شىن جاقسى كورەتىن اكتەر. قانشا اقشا ۇسىنسا دا، كينوعا تۇسپەي، ساحنادان تۇسپەي ءجۇر. ءبىز كەيدە رەنجىسىپ قالساق تا، ساحناعا شىققاندا ءبارىن ۇمىتىپ، كەرەمەت ونەر كورسەتەمىز. ساحنادان تۇسكەن سوڭ قايتا ۇرىسۋىمىز مۇمكىن. بۇل – حالىققا، تەاترعا دەگەن ماحاببات» – دەدى جۇلدىزاي دۇيسەنبييەۆا.