الياسكا، گاۆاي ارالدارى جانە اقش-تىڭ تىنىق مۇحيتى جاعالاۋىندا سۋنامي بولۋى مۇمكىن. بۇل تۋرالى اقش پرەزيدەنتى دونالد ترامپ ايتتى، دەپ حابارلايدى inbusiness.kz سايتى ازەرتادج-عا سىلتەمە جاساپ.

"تىنىق مۇحيتىنداعى ءىرى جەر سىلكىنىسىنە بايلانىستى گاۆاي تۇرعىندارىنا سۋنامي تۋرالى ەسكەرتۋ جاريالاندى. الياسكا مەن اقش-تىڭ تىنىق مۇحيتى جاعالاۋىندا ىقتيمال سۋناميگە باقىلاۋ ءجۇرىپ جاتىر. جاپونيا دا قاۋىپ-قاتەر ايماعىندا تۇر"، – دەپ جازدى اق ءۇي باسشىسى.

شەتەلدىك باق-تىڭ حابارلاۋىنشا، بۇعان دەيىن گاۆاي شتاتىنىڭ استاناسى گونولۋلۋ ورنالاسقان واحۋ ارالىنىڭ بيلىگى تۇرعىنداردى جاعالاۋعا جاقىن اۋماقتاردان ءقاۋىپسىز جەرلەرگە كوشۋگە شاقىرعان. اقش جاعالاۋ كۇزەتى ايماقتاعى بارلىق كەمەگە پورتتاردى شۇعىل تۇردە تاستاپ كەتۋ جونىندەگى بۇيرىق بەردى. سەبەبى بۇعان دەيىن كامچاتكادا كۇشتى جەر سىلكىنىسى بولعان ەدى.

جاپونيادا بيىكتىگى 30-50 سم-گە جەتكەن تولقىندار تىركەلدى. قيراندىلار نەمەسە زارداپ شەككەندەر تۋرالى مالىمەت جوق.