الماتىدا تاۋدا اداسقان ەكى تۋريست قۇتقارىلدى، دەپ حابارلايدى Bairaqmedia.kz.
تجم اقپاراتقا سايكەس، تۇندە الماتىنىڭ شۇعىل قىزمەتتەرىنە مەدەۋ اۋدانىنداعى «قۇمبەل» شىڭىنان ەكى جاس جىگىت تۇسە الماي جاتقانى تۋرالى حابارلاما كەلىپ تۇسكەن. 2004 جىلى تۋعان ەر ادامدار جولدى تابا المايتىندارىن ءتۇسىنىپ، كومەك سۇرادى.
وقيعا ورنىنا دەرەۋ ق ر تجم رەسپۋبليكالىق جەدەل-قۇتقارۋ جاساعىنىڭ جەدەل توبى شىقتى. ىزدەستىرۋ-قۇتقارۋ جۇمىستارىندا ۇشقىشسىز ۇشۋ اپپاراتى مەن سپۋتنيكتىك تەلەفون پايدالانىلدى. تاۋلىكتىڭ قاراڭعى ۋاقىتىنا جانە كۇردەلى رەلەفكە قاراماستان، قۇتقارۋشىلار كوكجايلاۋ شاتقالىنان شىڭعا دەيىنگى جولدى جاياۋ ءجۇرىپ ءوتتى، – دەلىنگەن حابارلامادا.
ولار 2850 مەتر بيىكتىكتەن تابىلدى. تجم قۇتقارۋشىلارى الماتىنىڭ قۇتقارۋ قىزمەتىنىڭ قۇتقارۋشىلارىمەن بىرلەسىپ ولاردى ەكوپوستقا دەيىن ءتۇسىردى. سودان كەيىن ولار ءوز بەتىنشە ۇيلەرىنە كەتتى.
