قازاقستاندىق مما سپورتشىسى ءالىبي ىدىرىس UFC ۇيىمداستىراتىن The Ultimate Fighter 33 رەاليتي-جوباسىنىڭ فينالىنا شىقتى. جارتىلاي فينال اياسىندا اسا جەڭىل سالماقتا ونەر كورسەتكەن ىىدىرىس ۆەنەسۋەلا وكىلى رويبەرت ەچيەۆەرريانى ءبىرىنشى راۋندتا تىزەسىمەن ۇرىپ، نوكاۋتقا ءتۇسىردى، دەپ حابارلايدى bairaqmedia.kz penalty.kz-كە سىلتەمە جاساپ.
بۇل اسەرلى جەڭىس الىبيگە فينال جولداماسىن سىيلادى. ەندى ول يممانۋەل رودريگەس پەن دجوزەف مورالەس اراسىنداعى جەكپە-جەكتىڭ جەڭىمپازىمەن كەزدەسەدى.
ءالىبي ىدىرىس بۇعان دەيىن شيرەك فينالدا وزبەكستاندىق فۋرقاتبەك يوقۋبوۆتى تورەشىلەردىڭ ءبىراۋىزدان شىعارعان شەشىمىمەن جەڭىپ، ءوز مىقتىلىعىن دالەلدەگەن ەدى. جەكپە-جەك بارىسىندا ول تەحنيكالىق دايىندىق پەن تاكتيكالىق ارتىقشىلىعىن تولىق كورسەتتى.
The Ultimate Fighter جوباسىندا يدريس UFCء-دىڭ بۇرىنعى چەمپيونى دانيەل كورمەنىڭ كومانداسىن تانىستىرۋدا. بۇل شوۋ UFC-گە كىرۋ جولىنداعى باستى مۇمكىندىك سانالادى. فينالدىڭ جەڭىمپازى پروموۋشەنمەن ەكسكليۋزيۆتى كەلىسىمشارتقا قول قويادى جانە كاسىبي مما الەمىندە جاڭا بەلەسكە كوتەرىلەدى.
