بەلگىلى كومپوزيتور قالدىبەك ءقۇرمانالىنىڭ قىزى ءانارۋ قالدىبەك جەلىگە جازبا جاريالاپ، ءوز شىندىعىن ورتاعا سالدى، دەپ حابارلايدى bairaqmedia.kz.

«مەن 1 جىل بۇرىن اۆارياعا ءتۇسىپ بەتىم وسىنداي بولعان. ءجاي عانا تاكسيگە وتىرىپ، ۇيىمە بارا جاتقان كەزىمدە... مەنىڭ بۇنداي قورلىقتارىم كوپ. مەن قالدىبەك ءقۇرمانالىنىڭ ءبىرىنشى قىزىمىن، تۇنعىش قىزى. ءبىراق وسىنداي الاساپىران ءومىر ءسۇرىپ جاتىرمىن... مەندە بۇنداي سۋرەتتەر وتە كوپ. جانە ءبىر ادامنان كورگەن قورلىعىمنىڭ دا سۋرەتتەرى مەن ۆيدەولارى بار... ەگەر قالاساڭىزدار وسى جەرگە بىرتىندەپ بارلىعىن شىعاراتىن بولامىن. سىزدەردىڭ قولداۋلارىڭىزبەن. ءبىراق انامنىڭ كوزى تىرىسىندە ءبىر تال شاشىما دا زيان كەلمەگەن ەدى. اكە سىزدەن باسقا قورعانىم جوق. قاتتى قاپالىمىن، ءوزىمدى تاستاندى جانە قورعانسىز سەزىنىپ كەلەمىن. 29 جىل بويى... اكە مەنى قورعاڭىزشى، تاستاماڭىزشى. مەن ءالسىزبىن... وسىنداي الاياقتاردىڭ جەمتىگى قىلماڭىز مەنى... سىزدەن باسقا قورعاۋشىم جوق! سەنەرىم اللا مەن ءسىز عاناسىز...»، – دەپ جازدى كومپوزيتوردىڭ قىزى.

سونىمەن قاتار ول ءوزىنىڭ جەتى جىل بويى تانىمال بوكسشىدان قورلىق كورگەنىن جايىپ سالدى.

«7 جىل بويى مەن وسى ادامنان قورلىق كوردىم... مەنى بارلىق جاعىمنان قورلاپ، بوپسالاپ، قورقىتىپ ۇستاپ كەلەدى. جەتىم دەپ باسىما ءمىندى. ايەلى ەكىقابات بولعان ەكەن مەن پاكپىن، بالامىن. ونىڭ ءۇيلى ەكەنىن دە بىلمەي سەنىپ ارالاسقان ەدىم. سويتسەم بۇل ادام ايەلى قىز تۋعاننان كەيىن ماعان كوڭىل ءبولىپ مەنى ماڭايلاپ ءجۇر ەكەن عوي. سۇمپايى ارالاسا كەلە قالاي ونىڭ زورلىعىنا تاپ بولعانىمدى تۇسىنبەي قالدىم. سونىمەن قويماي اكەمە جانە اعاما @asylkazak8 حابار ايتپاعانمىن. تىنىش وسى 7 جىل بويى ودان قورقاقتاپ، ىشتەي توزىپ قينالىپ شىداپ كەلگەن ەكەنمىن وسى ادام كەيپىندەگى ىبىلىسكە... وسى ادامعا جولىققالى بەرى ءومىرىم قۇلدىراپ كەتتى...»، – دەپ جازدى ول.