الماتى وبلىسى پروكۋراتۋراسىمەن جۇرگىزىلگەن تەكسەرۋ ناتيجەسىندە ايىپ تۇراعىنداعى تاركىلەنۋدە تۇرعان مۇلىكتەردى توناۋ فاكتىسى انىقتالدى، دەپ حابارلايدى Bairaqmedia.kz.

اقپاراتقا سايكەس، جالپى قۇنى 100 ملن تەڭگەدەن استام تۇراتىن «Volvo FH» ماركالى جۇك كولىگى اكىمشىلىك ءىس بويىنشا تاركىلەنىپ، مەملەكەت كىرىسىنە ءوندىرىلۋى كەرەك بولعان. الايدا ساقتاۋدا تۇرعان كەزدە اتالعان جۇك كولىگى بولشەكتەلىپ، ۇرلانعان. 
 
سونىمەن قاتار، تاركىلەنۋگە جاتاتىن باسقا دا مۇلىكتى جاسىرۋ فاكتىسى اشىلدى.  قىلمىستىق ءىس اياسىندا قۇنى 8 ملن تەڭگە بولاتىن «Mercedes E350» ماركالى كولىك كۇدىكتىنىڭ اكەسىنە ساقتاۋعا بەرىلگەن. كەيىننەن سوت بۇل كولىكتى مەملەكەت پايداسىنا ءوندىرۋ تۋرالى شەشىم شىعارعان. ءبىراق سوتتىڭ شەشىمىنە قاراماستان، كۇدىكتىنىڭ اكەسى ساقتاۋ مىندەتىن ورىنداۋدان باس تارتىپ، كولىكتى جاسىرىپ قويعان.  
 
انىقتالعان بۇزۋشىلىقتار تۋرالى سوتقا دەيىنگى تەرگەۋ ورگاندارىنا تۇپكىلىكتى شەشىم قابىلداۋ ءۇشىن قۇجاتتار جولداندى.