ۇندىستان-پاكىستان قاقتىعىسىنا بايلانىستى الماتىدان دەليگە ۇشاتىن رەيستەر توقتاتىلدى دەپ حابارلايدى bairaqmedia.kz
ءۇندىستان مەن پاكىستان اراسىنداعى اۋە كەڭىستىگىنىڭ جابىلۋىنا بايلانىستى Air Astana اۋە كومپانياسى 8 مامىرداعى الماتى – دەلي – الماتى باعىتى بويىنشا KC 907/908 رەيستەرىن توقتاتتى.
اۋە كومپانياسى جولاۋشىلارعا بيلەتتەرىن تولىق قايتاراتىنىن مالىمدەدى. سونىمەن قاتار، ءقازىر اۋە كومپانياسى قازاقستان ازاماتتارى مەن Air Astana-نىڭ باسقا دا جولاۋشىلارىن ەلگە قايتارۋ ءۇشىن بالامالى مارشرۋتتار بويىنشا رەپاترياسيالىق رەيستەردى ۇيىمداستىرىپ جاتىر.
ايتا كەتەيىك، سەيسەنبىدەن سارسەنبىگە قاراعان ءتۇنى ءۇندىستان پاكىستانعا زىمىرانمەن شابۋىل جاساعان ەدى. كوپ ۇزاماي پاكىستان ءۇندىستانعا قارسى سوققى جاسادى.
