Ulttyq bank bazalyq mólsherlemeni 16,5% deńgeıinde saqtap qaldy, dep habarlaıdy bairaqmedia.kz.
Ulttyq bank taratqan resmı málimdemege súıensek, naýryz qorytyndysy boıynsha jyldyq ınflásıa 10%-ke deıin jedeldedegen.
Jyldyq ınflásıanyń negizgi qozǵaýshy kúshi – qyzmet kórsetý sektory bolyp otyr. Bul retteletin tarıfterdiń birinshi toqsanda kútkennen joǵary ósýimen jáne naryqtyq qyzmetterdiń qymbattaýymen baılanysty. Azyq-túlik ınflásıasynyń úlesi aılyq jáne jyldyq kórsetkishterde arta túsken.
Qazaqstan Respýblıkasy Ulttyq Bankiniń Aqsha-kredıt saıasaty komıteti bazalyq mólsherlemeni +/- 1 p.t. dálizimen jyldyq 16,5% deńgeıinde belgileý týraly sheshim qabyldady., – delingen Ulttyq bank habarlamasynda.
Sondaı-aq, álemdik azyq-túlik baǵasynyń joǵary bolýy jáne Reseıdegi eki tańbaly ınflásıanyń saqtalýy da bazalyq mólsherlemeni qazirgi deńgeıde qaldyrýǵa túrtki bolǵan.
- 2025 jyly qańtar-naýryzdaǵy jyldam derekterge sáıkes ekonomıka j/j 5,8% ósim kórsetti. Bul ósim kólik (21,0%), qurylys (16,9%), óńdeý ónerkásibi (8,7%), taý-ken óndirisi (6,1%) jáne saýda (6,3%) salalaryndaǵy belsendilikke baılanysty boldy. İshki suranysqa ınfraqurylymdyq jobalardyń iske asyrýy, tutynýshylyq kredıt berý jáne halyq tabysynyń ustamdy ósýi qoldaý qórsetedi. Degenmen, 1-toqsanda tutynýshylyq suranystyń báseńdeý belgileri baıqalýda. Bul 2024 jylǵy qazandaǵy 19,3%-ten keıin aqpanda 5,1%-ke deıin bólshek saýda aınalymynyń baıaýlaý derekterimen, sondaı-aq saýalnamalarǵa sáıkes iri satyp alýlar ındeksiniń tómendeýimen rastalady, – delingen habarlamada.
