Qazaqstan Respýblıkasynyń Prezıdenti Qasym-Jomart Toqaevtyń Táýelsizdik kúnimen quttyqtady, dep habarlaıdy Aqorda.

Qurmetti otandastar!

Táýelsizdik kúni qutty bolsyn!

Bul merekeniń elimiz úshin mán-mańyzy aıryqsha. Osy kúni halqymyz Qazaqstandy egemen el retinde damytý jolynda erikti ári túpkilikti tańdaý jasady.

Táýelsizdik bárinen qymbat! Biz babalar rýhyna taǵzym etip, óskeleń urpaq aldyndaǵy tarıhı jaýapkershilikti sezine otyryp, osy ustanymǵa adal bolamyz.

Azamattarymyzdyń yrysty yntymaǵynyń, ózara qoldaýynyń jáne jasampaz eńbeginiń, sondaı-aq qoǵamdaǵy turaqtylyq pen kelisimniń arqasynda Qazaqstan Táýelsizdikti nyǵaıtý isinde eleýli jetistikterge qol jetkizdi. Qazir búkil álem jyldam ózgerip jatyr. Túrli synaqtarmen qatar, tyń múmkindikterge toly jańa tarıhı dáýir bastaldy.

Mundaı jaǵdaıda biz jas jáne ozyq oıly ult retinde bolashaqqa zor úmitpen jáne nyq senimmen qarap, berekeli birligimizdi saqtaýymyz kerek. Elimizdiń jahandyq deńgeıdegi bedeli men básekege qabiletin arttyryp, Qazaqstandy kórkeıgen memleket retinde damytý úshin aıanbaı eńbek etýimiz qajet.

Qazir júzege asyrylyp jatqan aýqymdy reformalardyń nátıjesinde zor tabysqa jetemiz dep senemin. Jan-jaqty jańǵyrýǵa baǵyttalǵan strategıalyq baǵdarymyzdan aýytqymaı, Ádiletti, Kúshti, Taza, Qaýipsiz Qazaqstandy quramyz.

Barshańyzǵa mol baqyt, baq-bereke jáne tolaǵaı tabys tileımin!

Qasterli Táýelsizdigimiz máńgi bolsyn! – degen quttyqtaýyn jetkizdi Memleket basshysy.