Astana qalasynda "Sincere Systems Group LTD" ("S-Group") qarjy pıramıdasynyń qurylymdyq bólimshesin uıymdastyrý jáne basqarý faktisi boıynsha tergeý júrip jatyr, dep habarlaıdy bairaqmedia.kz.

"S-Group" kompanıasy ózin Ulybrıtanıadaǵy ınvestısıalyq qor retinde tanystyryp, Forex naryǵynda senimgerlik basqarý, maınıng jáne SWP, SWCT ishki krıptotokenderimen saýda júrgizý qyzmetterin usynatyndyǵyn málimdegen. 

Salymshylarǵa aıyna 15%-20%, jylyna 120%-180% kóleminde tabys ýáde etilgen. Investısıalyq qyzmet shynaıy kórinýi úshin qatysýshylarǵa kompanıanyń saıtyndaǵy jeke kabınetke qoljetimdilik berilgen. Onda vırtýaldy depozıtter, "tabystyń ósimi" jáne eseptelgen qarajat kórsetilgen.

"Alaıda is júzinde salymshylardyń qarajaty ınvestısıalanbaǵan. Aqsha kúdiktilerdiń jeke qajettilikterine jumsalǵan. Keltirilgen zalaldyń jalpy somasy 136 mln teńgeden asty", - deıdi qarjylyq monıtorıń agenttigi.

Qylmystyq jolmen alynǵan tabysqa uıymdastyrýshylar elordadan 2 páter jáne 2 avtokólik satyp alǵan. Olardy jasyrý maqsatynda senimdi adamdardyń atyna rásimdegen.
Sot sanksıasymen atalǵan múlikke tyıym salyndy.