Memleket basshysy Qasym-Jomart Toqaev Belarýs Respýblıkasynyń prezıdenti Aleksandr Lýkashenkomen telefon arqyly sóılesti, dep habarlady Aqorda.
Memleketter basshylary qazaq-belarýs qarym-qatynasynyń qazirgi jaı-kúıi men damý perspektıvasyn talqylady.
"Sondaı-aq saıası dıalog joǵary deńgeıde jáne saýda-ekonomıkalyq, gýmanıtarlyq salalardaǵy yntymaqtastyq dáıekti túrde damyp kele jatqanyn atap ótti", - dep jazylǵan habarlamada.
Taraptar halyqaralyq kún tártibiniń ózekti máseleleri jóninde pikir almasty.
Qazaqstan prezıdenti Mınskide ótip jatqan Eýrazıalyq qaýipsizdik jónindegi konferensıanyń mańyzyna toqtaldy.
Memleketter basshylary aldaǵy birlesken is-sharalar aıasyndaǵy tyǵyz yqpaldastyqty jalǵastyrýǵa ýaǵdalasty.
