Aqtóbe oblysy Alǵa aýdanynyń Besqospa aýylynda er adam kelinin zorlady degen kúdikke ilindi, dep habarlaıdy bairaqmedia.kz.

Áleýmettik jelide taraǵan aqparat boıynsha, 22 jastaǵy kelinshek kúıeýiniń ógeı ákesinen "zorlyq kórdim" dep shaǵym túsirgen. Kelin men qaıyn atasy bir úıde turǵan.

"Alǵa aýdanynyń 22 jastaǵy turǵynyn zorlaý faktisi boıynsha kúdikti ustalyp, qamaýǵa alyndy. Tergeý júrip jatyr", - deıdi polısıadaǵylar.

Jábir kórgen kelinshektiń eki balasy - 3 jastaǵy jáne qyrqynan shyqpaǵan nárestesi bar. Kúdikti – enesiniń 53 jastaǵy kúıeýi. Enesi birinshi joldasy qaıtys bolǵannan keıin ekinshi ret turmys qurǵan.

Aıta keteıik, buǵan deıin Aqtóbe oblysynda 14 jastaǵy oqýshy bosandy. Kúdikti retinde 64 jastaǵy týysqan atasy ustaldy.