Qazaqstan azamaty keshe Taılandtyń Phýket qalasynda jantúrshigerlik jol apatynan kóz jumǵan. Bul týraly jergilikti aqparat quraldary jazdy dep habarlaıdy bairaqmedia.kz
"Novostı Phýketa" Telegram-arnasynyń málimetinshe, 1 sáýir kúni túngi saǵat 00:45 shamasynda er adam Bypass Rd tas jolynda motosıklmen joǵary jyldamdyqta qozǵalǵan. Keıin ol basqarýǵa ıe bola almaı, baǵanaǵa soǵylypty. Alǵan jaraqattarynan otandasymyz til tartpaı ketken.
Alǵashynda Taıland bıligi marqumnyń jeke basyn anyqtaýǵa tyrysyp, onyń telefonynyń ekranyndaǵy oryssha jazýlarǵa súıene otyryp, ony "reseılik týrıs" degen edi.
Alaıda, keıinirek marqumnyń Qazaqstan azamaty ekeni jáne onyń Taılandta jumys istegeni anyqtaldy.
